ირაკლი ჩიქოვანი - წარმოუდგენელია, რომ ჩემს ზუგდიდში, ჩემს ქალაქში, სადაც „ნაციონალურმა მოძრაობამ“ ფეხი შეაწმინდა მეგრელების ღირსებას, ამ ძალას მაღალი მხარდაჭერა ჰქონდეს

დღეს ჩვენ გვჭირდება აბსოლუტური მობილიზება. ძალიან მნიშვნელოვანია, რომ არ დავუშვათ არც ერთ მუნიციპალიტეტში „ნაციონალური მოძრაობის“ კანდიდატის გამარჯვება, რადგან, რეალურად ვხედავთ, ეს არის სტაგნაციის წინაპირობა,- ამის შესახებ საპარლამენტო უმრავლესობის წევრმა, ირაკლი ჩიქოვანმა პარლამენტის საშემოდგომო სესიის პლენარულ სხდომაზე განაცხადა.

მან ამომრჩევლებს არჩევნების მეორე ტურისთვის აქტიურობისკენ მოუწოდა და აღნიშნა, რომ წარმოუდგენელია, „ნაციონალურ მოძრაობას“ ზუგდიდში მაღალი მხარდაჭერა ჰქონდეს.

„ეს არის წინაპირობა, რომელიც გააჩერებს იმ პროგრესს, რომელიც ზუგდიდის მუნიციპალიტეტში გვაქვს. ჩემთვის წარმოუდგენელია, რომ ჩემს ზუგდიდში, ჩემს ქალაქში, ჩემს კუთხეში, სადაც „ნაციონალურმა მოძრაობამ“ ფეხი შეაწმინდა მეგრელების, ზუგდიდელების ღირსებას, ამ პოლიტიკურ ძალას ადგილზე მაღალი პოლიტიკური მხარდაჭერა ჰქონდეს“, - განაცხადა ჩიქოვანმა.

მისი თქმით, „ნაციონალური მოძრაობის“ რეჟიმისა და „ქართული ოცნების“ ხელისუფლების ერთმანეთთან შედარება წარმოუდგენელია.

„პრაქტიკულად, გამოცხადებული რევანშის ქრონიკა გვაქვს დღეს ქვეყანაში. მაშინ, როდესაც ადამიანები დემოკრატიის სახელით, ადამიანის ღირებულებებით აპელირებენ, რეალურად ვხედავთ იმას, რომ მიმდინარეობს წნეხი რეგიონებსა და მუნიციპალიტეტებში, ეს აბსოლუტურად მიუღებელია. ჩემთვის მიუღებელია, როდესაც ზოგიერთი პოლიტიკოსი, მათ შორის ის ადამიანები, რომლებმაც კარგად იციან, თუ რა გამოგვივლია 2012 წელს, პარალელს ავლებენ იმ ვითარებასთან, რაც 2012 წელს გვქონდა და რაც დღეს გვაქვს. იმ საარჩევნო გარემოსთან, რა პირობებშიც გვიწევდა მუშაობა 2012 წელს, როდესაც პრაქტიკულად, ლოდებს გვიშენდნენ საარჩევნო შეხვედრებზე, სახლში აკითხავდნენ ჩვენი ოჯახის წევრებს, რომლებსაც ეუბნებოდნენ, რომ გაანადგურებდნენ და დაასრულებდნენ, თუ ისინი პოლიტიკურად იაქტიურებდნენ. ამიტომ, აქ ანალოგიების მოყვანა აბსოლუტურად მიუღებელია. აბსოლუტურად მიუღებელია, როდესაც ჯალათები, ეს ადამიანები დღეს საუბრობენ იმაზე, რომ თურმე ეს ყველაფერი შეცდომა იყო. პირდაპირ გეუბნებით, ამის ქვეყანაში დაბრუნება არ შეიძლება და ამას საზოგადოება არ დაუშვებს“, - განაცხადა ჩიქოვანმა.

მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
ქართული პრესის მიმოხილვა 29.11.2021
ალექსანდრე თვალჭრელიძე - ხელისუფლებისადმი ნდობა დამოკიდებულია არა იმაზე, თუ რა პროგრამებს აანონსებს, არამედ იმაზე, თუ როგორ ასრულებს გაცემულ დაპირებებს
ბიძინა ლებანიძე - საქართველომ და უკრაინამ გერმანიასთან მიმართებაში ფუჭი მოლოდინი არ უნდა შეიქმნას, გერმანია სამხედრო თვალსაზრისით არ ჩაერთვება არც ერთ სამეზობლო კონფლიქტში
განსაკუთრებული ტექ-ინვესტორი საქართველოში - GAABU-ს ახალი წევრი და ტექნოლოგია, რომელიც ცვლის ტელეკომუნიკაციის სამყაროს მომავალს
სილქფესტი ფასდაკლების დღეებს უერთდება - გაეცანით სილქნეტის მთავარ შეთავაზებებს
ზეთისხილის საერთაშორისო საბჭოს 114-ე სესია, რომელიც საქართველოში მიმდინარეობდა, დასრულდა
პროგრამა ბალანსი ბიზნესისთვის - როგორია ფინანსების აღრიცხვისა და ავტომატიზაციის თანამედროვე სტანდარტი?
XXI საუკუნის ხელნაწერ „ვეფხისტყაოსანზე“ 18-წლიანი მუშაობა დასრულდა - რა უნდა იცოდეთ ახალ, უნიკალურ გამოცემაზე
საინფორმაციო პორტალი 08.GE - ყველა კითხვაზე პასუხი ერთ სივრცეში
საქართველო ზეთისხილის საერთაშორისო დღეს უმასპინძლებს, რომელიც იუნესკოს ეგიდით ტარდება