მიხეილ სააკაშვილის პირადი ექიმი - დღეს იქნება ანალიზების, კვლევების შეფასება და ასევე შესაძლოა, ზოგიერთმა ექიმმა გასინჯოს

მესამე პრეზიდენტის, მიხეილ სააკაშვილის პირადი ექიმის, ნიკოლოზ ყიფშიძის განცხადებით, ექიმთა კონსილიუმს, რომელიც სააკაშვილის ჯანმრთელობის მდგომარეობას შეისწავლის, ადვოკატები სავარაუდოდ არ დაესწრებიან. ამის შესახებ ყიფშიძემ ჟურნალისტებს მიხეილ სააკაშვილთან ციხეში შესვლამდე განუცხადა.

„კონსილიუმს ადვოკატები, მე მგონი, არ დაესწრებიან. მარტო ექიმები იქნებიან და რამდენადაც ვიცი, უკვე დაიწყო კონსილიუმი,”, - განაცხადა ნიკოლოზ ყიფშიძემ.

როგორც მან აღნიშნა კონსილიუმზე სააკაშვილის მხოლოდ საავადმყოფოში გადაყვანის საკითხი არ გადაწყდება.

„ჯერ გადაწყდება რა მდგომარეობაშია, უნდა შევჯერდეთ. დღეს იქნება ანალიზების, კვლევების შეფასება და ასევე შეიძლება ზოგიერთმა ექიმმა გასინჯოს”, - განაცხადა ყიფშიძემ.

კითხვაზე, როგორია სააკაშვილის პირადი ექიმის პოზიცია, უნდა გადაიყვანონ თუ არა ყოფილი პრეზიდენტი კლინიკაში, ექიმი პასუხობს, რომ დღეს ჯერ არ უნახავს პაციენტი და ამაზე ვერაფერს იტყვის.

“ვერ გეტყვით. ანალიზებს გუშინ გავეცანი და გუშინ გითხარით ყველაფერი”, - განაცხადა ყიფშიძემ.

ალექსანდრე თვალჭრელიძე - ფრიდმანის წინააღმდეგ სანქციების დაწესებამ იდეალური შესაძლებლობა შექმნა კომპანიის გაკოტრების და იქ სახელმწიფო მმართველის იმპერატიული დანიშვნისთვის, ამას კი „ბორჯომის“ ნაციონალიზაცია უნდა მოჰყვეს
ქართული პრესის მიმოხილვა 23.05.2022
იუველ ნოა ჰარარი - ყველაფერი სასწორზე დაიდო, რადგან პუტინმა დაანგრია უდიდესი ტაბუ, გლობალური წესრიგი - მას რომ შედეგისთვის მიეღწია, ეს მთელ მსოფლიოში გამოიწვევდა დესტაბილიზაციას
თამარ ალადაშვილი - გარემოსდაცვითი ინფორმაციისა და განათლების ცენტრს ახალი ფუნქციები ემატება, რაც კიდევ უფრო მეტად შეუწყობს ხელს საზოგადოების გარემოსდაცვით საკითხებში ჩართულობას
„მაკდონალდს საქართველო“ Mc Happy Day-ის საქველმოქმედო კამპანიას იწყებს