სახელმწიფო ინსპექტორი ლონდა თოლორაია აშშ-ს სახელმწიფო ანტინარკოტიკული და სამართალდამცავ ორგანოებთან თანამშრომლობის ბიუროს დირექტორს სარა რუპერტს შეხვდა

სახელმწიფო ინსპექტორის სამსახურში, ლონდა თოლორაიასა და აშშ-ს სახელმწიფო ანტინარკოტიკული და სამართალდამცავ ორგანოებთან თანამშრომლობის ბიუროს (INL) დირექტორს სარა რუპერტს შორის გაცნობითი შეხვედრა გაიმართა. ამის შესახებ ინფორმაციას სახელმწიფო ინსპექტორის სამსახური ავრცელებს.

მათივე ინფორმაციით, ღონისძიების მიზანი სახელმწიფო ინსპექტორის სამსახურის საქმიანობის, საჭიროებებისა და სამომავლო თანამშრომლობის მიმართულებების განხილვა იყო. შეხვედრას ასევე ესწრებოდნენ სახელმწიფო ინსპექტორის სამსახურისა და ანტინარკოტიკული და სამართალდამცავ ორგანოებთან თანამშრომლობის ბიუროს წარმომადგენლები.

„შეხვედრის ფარგლებში ლონდა თოლორაიამ INL-ის ხელმძღვანელს გააცნო სამსახურის ძირითადი მიღწევები, განხორციელებული და მიმდინარე რეფორმები. ასევე, დეტალურად ესაუბრა იმ გამოწვევებზე, რომლებსაც სახელმწიფო ინსპექტორის სამსახური პრაქტიკული საქმიანობასა და საკანონმდებლო თვალსაზრისით ხვდება. მათ შორის, საუბარი შეეხო დამოუკიდებელი საგამოძიებო მექანიზმის მნიშვნელოვან როლს, ფაქტორებს, რომლებიც ხელს უშლის გამოძიების ეფექტიან წარმართვასა და მათი აღმოფხვრის მიზნით გასატარებელ ღონისძიებებს; ასევე, სამსახურის ადამიანური და მატერიალურ-ტექნიკური რესურსების გაძლიერების საჭიროებას. ამასთან, მხარეებმა იმსჯელეს საპროკურორო და საგამოძიებო ფუნქციების გამიჯვნის საკითხზე.

თავის მხრივ, სარა რუპერტი დაინტერესდა არასათანადო მოპყრობის ფაქტებზე შეტყობინებების მიღების მექანიზმით, გამოძიების პროცესში არსებული პრაქტიკული საკითხებით, სხვა უწყებების მხრიდან თანამშრომლობის ხარისხითა და სამსახურის გამომძიებელთა პროფესიული გამოცდილებით.

სახელმწიფო ინსპექტორის სამსახურისთვის საერთაშორისო პარტნიორებთან აქტიურ თანამშრომლობას სტრატეგიული მნიშვნელობა ენიჭება. შეხვედრის ფარგლებში, მხარეები აქტიური სამომავლო თანამშრომლობის გაგრძელებაზე შეთანხმდნენ”, - ნათქვამია ინფორმაციაში.

ალექსეი გარანი - კიევსა და მოსკოვს შორის მინსკი 2-ის მსგავსი არანაირი შეთანხმება არ გაფორმდება, რადგან, რაც რუსეთმა  უკრაინაში 24 თებერვლის შემდეგ ჩაიდინა, ეს წარმოუდგენელია
ზაზა ფირალიშვილი - ენტონი ბლინკენის წერილი საქართველოს საგარეო საქმეთა მინისტრისადმი აშკარა ნიშანია იმისა, რომ ჩვენი ხელისუფლების ქცევა ევროატლანტიკურ სივრცეში სერიოზულ ეჭვებს იწვევს
ქართული პრესის მიმოხილვა 23.05.2022
ჰუბერტ ქნირში - გზა ევროკავშირში გაწევრიანებისკენ ჯერ კიდევ გრძელია - ის, რაც რამდენიმე კვირაში ევროპის საბჭომ შეიძლება გადაწყვიტოს, არის გზის დასაწყისი, არის გადაწყვეტილება, რომ ჩვენ ერთად გვინდა ამ გზის გავლა
4-5 ივნისს თბილისის საკონცერტო დარბაზში „ერისიონი“ ახალი პროგრამით წარდგება
IF Design-ის 2022 წლის ღონისძიებაზე ჰიუნდაიმ 9 ჯილდო მოიპოვა
რომელ Galaxy A სმარტფონს ირჩევ შენ?
ვებსტერის უნივერსიტეტსა და თიბისის შორის მემორანდუმი გაფორმდა
ლიბერთი ბანკი - დიდი პასუხისმგებლობა და პატივია უნიკალური ინფრასტრუქტურით მოვემსახუროთ სოციალური გასაცემლების მიმღებ პირებს