ჩრდილოვან კაბინეტში არაფერია ცუდი, მაგრამ ამ შემთხვევაში ეს ფარისევლური ნაბიჯია, - ამის შესახებ საქართველოს პარლამენტის პირველმა ვიცე - სპიკერმა გია ვოლსკიმ განაცხადა, რითაც ოპოზიციის მიერ ჩრდილოვანი კაბინეტის წარდგენის დაანონსებას გამოეხმაურა.
ვოლსკის განცხადებით, ამით ისინი საერთაშორისო პარტნიორების და ამომრჩევლის ყურადღების მიპყრობას ცდილობენ.
"ჩრდილოვან კაბინეტში არაფერი ცუდი არ არის და ამის გამოცდილება არსებობს მსოფლიოში - როცა ოპოზიციაში გადასული ჯგუფები საზოგადოებას წარუდგენენ ადამიანებს, რომელთაც შეიძლება მართონ ესა თუ ის სფერო, თუ ისინი ხელისუფლებაში მოვლენ. ამ შემთხვევაში, ეს ფარისევლური ნაბიჯია, რომ პარტიები კვლავ იმ ფორმატში გააერთიანონ, რომელშიც იყვნენ და ამით ყურადღება მიიქციონ, თუნდაც, საერთაშორისო დონეზე. იგივე ფანდი უნდათ ახლაც გამოიყენონ, რომ იქნებ მხარდამჭერები ამით მოიზიდონ", - განაცხადა ვოლსკიმ.