ანდრიუს კუბილიუსი - პრემიერმა განაცხადა, რომ თუ სააკაშვილი წესიერად არ მოიქცეოდა, მის წინააღმდეგ ახალი საქმეები გაჩნდებოდა - ამან აჩვენა, რომ სასამართლოს პოლიტიზირება დასრულებული არ არის და ეს უდიდესი პრობლემაა

პრემიერის განცხადებაში ნათქვამი იყო, რომ თუ სააკაშვილი წესიერად არ მოიქცეოდა, მის წინააღმდეგ ახალი საქმეები გაჩნდებოდა. ამან აჩვენა, რომ სასამართლოს პოლიტიზირება საქართველოში დასრულებული არ არის და ეს უდიდესი პრობლემაა, - ამის შესახებ ევროპარლამენტარმა ანდრიუს კუბილიუსმა ქართველი ჟურნალისტებისთვის გამართულ ონლაინ პრესკონფერენციაზე განაცხადა.

როგორც მან აღნიშნა, ის ვერ ურჩევს საქართველოს ხელისუფლებას და მმართველი პარტიის ლიდერებს თუ როგორ და რა მიმართულებით უნდა შეამცირონ პოლარიზაციის დონე, მაგრამ თუ საქართველო არსებული ვითარებიდან არ გამოვა, ეს დააზიანებს არა მხოლოდ ქვეყანას, არამედ მთლიანად "ასოცირებული ტრიოს" ინტეგრაციის პროცესს.

„ჩვენ ვიქნებოდით მოხარულები, დაგვენახა, რომ პოლიტიკური კრიზისი საქართველოში დასრულებულია. პირველ რიგში, უნდა ითქვას, რომ ქართველ ხალხს ძალიან სურს, რომ შეუერთდეს ევროკავშირს და პოლიტიკოსებმა ეს უნდა უზრუნველყონ. ჩვენ ვისაუბრეთ გარკვეულ შუალედურ სტატუსზე, ეკონომიკურ ზონაში ინტეგრაციაზე, მაგრამ ეს მოითხოვს ძალიან ნათელ საბაზო პირობებს - დემოკრატიის ზრდასრულობასა და კანონის უზენაესობას. ერთიან ბაზარს არ შეუძლია მუშაობა კანონის უზენაესობის გარეშე ნებისმიერ ქვეყანაში, ეს ძალიან მარტივია. თქვენი სასამართლოს მიერ მიღებულ გადაწყვეტილებას უნდა ენდობოდეს და პატივს სცემდეს ყველა დანარჩენი ქვეყანა, რომელიც შედის ერთიან ბაზარში და ამ დროისთვის ეს დიდი პრობლემაა საქართველოსთვის.

ეს ვითარება სააკაშვილთან დაკავშირებით - ჩვენ ჩვენს პირველ განცხადებაში აღვნიშნეთ, რომ გაოგნებულები ვიყავით პრემიერ-მინისტრის განცხადებით, რომელშიც ნათქვამი იყო, რომ თუ სააკაშვილი წესიერად არ მოიქცეოდა, მის წინააღმდეგ ახალი საქმეები გაჩნდებოდა. ამან აჩვენა, რომ სასამართლოს პოლიტიზირება საქართველოში დასრულებული არ არის და ეს უდიდესი პრობლემაა.

უკანასკნელი კვირების განმავლობაში მე მქონდა საუბარი ორივე მხარესთან, როგორც ოპოზიციის, ასევე მმართველი პარტიის წარმომადგენლებთან. ისინი ჩამოდიან ბრიუსელში და განმარტავენ ისტორიის მათ ნაწილს. როდესაც მე ვესაუბრე მმართველ პარტიას, აღვნიშნე, რომ მათ ძალიან მალე მოუწევდათ მარტივი კითხვისთვის პასუხის გაცემა, როდესაც პოლიტიკოსები ბრიუსელში დაიწყებდნენ მიხეილ სააკაშვილთან დაკავშირებული ვითარების შედარებას იმასთან, რაც მოხდა უკრაინაში იანუკოვიჩის დროს ტიმოშენკოსთან მიმართებით. რა თქმა უნდა, სავარაუდოდ ეს განსხვავებული ისტორიებია და მათ სხვადასხვა ლეგალური მახასიათებლები აქვთ, მაგრამ ბრიუსელში, პირველ რიგში, საკითხი ეხება აღქმებს.

უნდა ითქვას, რომ პოსტსაბჭოთა ქვეყნისთვის ძალიან ხშირია, რომ სამართლებრივი გადაწყვეტილებები მიიღება არა სამართლიანობის დასამკვიდრებლად, არამედ ოპოზიციის წინააღმდეგ საბრძოლველად. მე არ ვიტყვი რა მიმართულებით უნდა შეამციროს საქართველოს ხელისუფლებამ და მმართველი პარტიის "ლიდერშიფმა" პოლარიზაციის დონე, მაგრამ თუ ისინი ვერ შეძლებენ ამ ვითარებიდან გამოსვლას, ეს დააზიანებს არა მხოლოდ საქართველოს, არამედ ასოცირებული ტრიოს ინტეგრაციის პროცესს მთლიანად”, - განაცხადა კუბილიუსმა.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს