პოლონეთის გადაწყვეტილება ევროკავშირის საფუძვლებს ეჭვქვეშ აყენებს და რეაგირების გარეშე არ უნდა დარჩეს, - ამის შესახებ ევროკომისიის პრეზიდენტმა ურსულა ფონ დერ ლაიენმა განაცხადა.

ლაიენმა აღნიშნა, რომ ყურადღებით აკვირდება პოლონეთის ხელისუფლების მიერ მიღებულ გადაწყვეტილებებს, რომლებიც ევროპული გაერთიანების სამართლებრივ წესრიგს საფრთხეს უქმნის.

ევროკომისიის პრეზიდენტმა ასევე განცხადა, რომ ამ სიტუაციაში სულ 3 გამოსავალი არსებობს: 1. ევროკომისია პოლონეთის სასამართლოს გადაწყვეტილებას იურიდიულად უნდა დაუპირისპირდეს და ქვეყანას ჯარიმა დაუწესოს. 2. ევროკავშირმა პოლონეთს სახსრების გამოყოფა შეუჩეროს. 3. ბლოკის ძირითადი ღირებულებების დარღვევის გამო პოლონეთს შეუჩერდება ევროკავშირის გადაწყვეტილებებზე ხმის მიცემის უფლება.

შეგახსენებთ, გასულ კვირას პოლონეთის საკონსტიტუციო სასამართლომ ქვეყნის კონსტიტუციის ევროკავშირის კანონთან შედარებით უზენაესობა დაადგინა.