ხავიერ კოლომინა - მადლობელი ვარ საქართველოს მიერ კავკასიის სამ ქვეყანას შორის სამშვიდობო ინიციატივისთვის

საქართველო მნიშვნელოვან როლს თამაშობს სომხეთ-აზერბაიჯანის ურთიერთობაში და მინდა, ამისთვის მადლობა გადაგიხადოთ, - ამის შესახებ სამხრეთ კავკასიაში ნატო-ს გენერალური მდივნის სპეციალურმა წარმომადგენელმა ხავიერ კოლომინამ, საქართველოს ვიცე-პრემიერთან, საგარეო საქმეთა მინისტრთან დავით ზალკალიანთან შეხვედრის შემდეგ განაცხადა.

ინფორმაციას საგარეო საქმეთა სამინისტრო ავრცელებს.

„მინისტრთან შეხვედრაზე, ჩვენ განვიხილეთ რეგიონული უსაფრთხოების კონტექსტში არსებული პერსპექტივები. მე გუშინ უკვე გახლდით აზერბაიჯანში და ხვალ მივემგზავრები სომხეთის დედაქალაქ ერევანში. ძალიან ბევრი საკითხია განსახილველი. მე მადლობა გადავუხადე მინისტრს საქართველოს მხრიდან წარმოდგენილი, სამხრეთ კავკასიის სამ ქვეყანას შორის პოლიტიკური კონსულტაციების გამართვის შესახებ ინიციატივისთვის. საქართველო ნამდვილად ძალიან მნიშვნელოვან და აქტიურ როლს თამაშობს სომხეთსა და აზერბაიჯანს შორის ურთიერთობების მიმართულებით და მინდა ამისთვისაც კიდევ ერთხელ დიდი მადლობა გადაგიხადოთ“, - განაცხადა ხავიერ კოლომინამ.

მან ასევე ხაზი გაუსვა რეგიონში არსებულ გამოწვევებს უსაფრთხოების კუთხით.

„საქართველო და ნატო შეშფოთებულნი არიან რუსეთის საგარეო უსაფრთხოების პოლიტიკით. ამ რეგიონში, რუსეთი ხშირად იყენებს ძალის გამოყენების მუქარას და საფრთხეს უქმნის სტაბილურობის შენარჩუნებას, როგორც საქართველოში, ისე რეგიონის სხვა ქვეყნებში, მაგალითად უკრაინაში და მოლდოვას რესპუბლიკაში“, - აღნიშნა ნატოს გენერალური მდივნის სპეციალურმა წარმომადგენელმა.

როგორც საგარეო უწყებაში აცხადებენ, აღსანიშნავია, რომ 2021 წლის 19-20 ოქტომბერს, რეგიონული ტურნეს ფარგლებში, საქართველოში ვიზიტით მყოფი, სამხრეთ კავკასიასა და ცენტრალურ აზიაში ნატოს გენერალური მდივნის ახლადდანიშნული სპეციალური წარმომადგენელი, ხავიერ კოლომინა, საქართველოს ვიცე-პრემიერს, საგარეო საქმეთა მინისტრს, დავით ზალკალიანს შეხვდა.

მხარეებმა განიხილეს ნატო-საქართველოს ურთიერთობების მნიშნველოვანი საკითხები და ყურადღება გაამახვილეს საქართველოს ევროატლანტიკურ მისწრაფებებზე. გარდა ამისა, საუბრის ერთ-ერთი მთავარ თემას, რეგიონში საქართველოს მნიშვნელოვანი როლი წარმოადგენდა.

ალექსეი გარანი - კიევსა და მოსკოვს შორის მინსკი 2-ის მსგავსი არანაირი შეთანხმება არ გაფორმდება, რადგან, რაც რუსეთმა  უკრაინაში 24 თებერვლის შემდეგ ჩაიდინა, ეს წარმოუდგენელია
ზაზა ფირალიშვილი - ენტონი ბლინკენის წერილი საქართველოს საგარეო საქმეთა მინისტრისადმი აშკარა ნიშანია იმისა, რომ ჩვენი ხელისუფლების ქცევა ევროატლანტიკურ სივრცეში სერიოზულ ეჭვებს იწვევს
ქართული პრესის მიმოხილვა 26.05.2022
ანაიტ ვოსკანიანი - სომხეთი მსოფლიოს ყველა ტიპის ტურისტისთვის მიმზიდველი ქვეყანაა
PSP-ს გუნდი ფუტსალის ლიგის 1/2 ფინალშია
ბაზისბანკმა ბიზნესში 305 მილიონი ლარის ინვესტიცია განახორციელა
„ლისი ინტელიგენციის“ განვითარებისთვის დახარჯული ჯამური ინვესტიცია 1 500 000 ლარს უტოლდება
Fitch Ratings-მა ბაზისბანკს საკრედიტო რეიტინგი „B+“ დაუდასტურა