მთავრობის ადმინისტრაციასთან საქართველოს მესამე პრეზიდენტის, მიხეილ სააკაშვილის გათავისუფლების მოთხოვნით აქცია გაიმართა.
"ნაციონალური მოძრაობის" ახალგაზრდული ფრთის წევრის, ეთო უმეკაშვილის განცხადებით, მიხეილ სააკაშვილის დაკავება ამ ხელისუფლებისთვის "უდიდესი ტრავმაა".
"ამ აქცია-პერფორმანსით გვინდოდა, გაგვეკეთებინა განცხადება, რომ სირცხვილია რაც დღეს საქართველოში ხდება. ქვეყნის მესამე პრეზიდენტის დაკავება არის უდიდესი ტრავმა ამ ხელისუფლებისთვის იმიტომ, რომ სირცხვილია, როცა ის უხარია საქართველოს ხელისუფლებას, რაც პუტინსაც უხარია. ამით გვინდოდა იმის თქმა, რომ მიხეილ სააკაშვილი ქვეყნის მესამე პრეზიდენტი აუცილებლად უნდა გათავისუფლდეს", - განაცხადა "ნაციონალური მოძრაობის" ახალგაზრდული ფრთის წევრმა ეთო უმეკაშვილმა.