არჩევნების მეორე ტურის წინ ჩვენ ვხედავთ უფრო გამძაფრებულ პოლარიზაციას და დაპირისპირებას, მათ შორის, სოციალური ქსელების საშუალებით, - ამის შესახებ "სამართლიანი არჩევნების" ხელმძღვანელმა ნინო დოლიძემ ჟურნალისტებთან განაცხადა.
როგორც მან აღნიშნა, დღეს არასამთავრობო ორგანიზაციები ევროკავშირის წარმომადგენლობაში შეხვედრას გამართავენ, სადაც სავარაუდოდ, არჩევნებთან დაკავშირებით ექნებათ საუბარი, თუ რა გამოწვევები არსებობს მეორე ტურთან დაკავშირებით.
"პირველ ტურზეც არ იყო ნაკლებ აგრესიული კამპანია, თუმცა, მეორე ტურზე ეს არის გამძაფრებული, რადგან ფაქტიურად ორ პარტიას და მათ კანდიდატებს შორის რჩება უმეტეს ქალაქებში მეორე ტური, ამიტომ ჩვენ ვხედავთ უფრო გამძაფრებულ პოლარიზაციას და დაპირისპირებას, მათ შორის, სოციალური ქსელების საშუალებით, სადაც ვიდოებიც გავრცელდა. ამიტომ ჩვენი მხრიდან შეხვედრაზე ვისაუბრებთ იმ გარემოზე, რასაც ვხედავთ და ველოდებით, ასევე, ალბათ, იმას, რა რეკომენდაციები უნდა გააკეთონ ჩვენმა პარტნიორებმა, რომ მეორე ტურმა მშვიდ გარემოშო ჩაიაროს და მოქალაქეებს მიეცეთ შესაძლებლობა, მისცენ ხმა ვისაც სურთ და ნაკლები იყოს პრობლემები რაც პირველ ტურში ვიხილეთ,"- განაცხადა დოლიძემ.