მიხეილ სარჯველაძის განცხადებით, მიხეილ სააკაშვილის ჯანმრთელობის მდგომარეობის საგანგაშოდ გამოცხადების მიზეზი არ არსებობს

ადამიანის უფლებათა დაცვის კომიტეტის თავმჯდომარის მიხეილ სარჯველაძის ინფორმაციით, მიხეილ სააკაშვილის ჯანმრთელობის მდგომარეობის საგანგაშოდ გამოცხადების მიზეზი არ არსებობს.

როგორც სარჯველაძემ ჟურნალისტებს განუცხადა, გაიმართა შეხვედრა უშუალოდ ექიმებთან და შექმნილი ჯგუფი გაეცნო მდგომარეობას, რისკებს, მოვლენათა განვითარების შესაძლო ვარიანტებს და საჭიროებებს, რაც პატიმრის უფლებების დასაცავად შეიძლება იყოს აუცილებელი.

„შემუშავდა გეგმები ისეთი შემთხვევებისთვის, როგორ შეიძლება განვითარდეს მოვლენები. მათ შორის განიხილება თუ როგორი იქნება მოქმედებები ჰოსპიტალიზაციის საჭიროების შემთხვევაში - რა შემთხვევაში როგორ და რა წესით განხორციელდება. რა თქმა უნდა, ყველაფერი პატიმრის ნების გათვალისწინებით მოხდება. პროცესები წარიმართება იმგვარად, რომ ჯანმრთელობის მდგომარეობის გაუარესების ყოველგვარი რისკი გამოირიცხოს და პატიმრის უფლება მაქსიმალურად მაღალი სტანდარტით იყოს დაცული. მნიშვნელოვანია პატიმარს რელევანტური სამედიცინო მომსახურება გაეწიოს, მისი საჭიროებებიდან გამომდინარე", - განაცხადა მიხეილ სარჯველაძემ.

ხათუნა ბურკაძე - კრემლის აგრესიული პოლიტიკის ფონზე აუცილებელია აშშ-საქართველოს სტრატეგიული პარტნიორობის ქარტიის განახლება
ქართული პრესის მიმოხილვა 06.12.2021
პაატა დავითაია - საკონსტიტუციო ცვლილებებთან დაკავშირებით „ქართული ოცნების“ და „ნაციონალური მოძრაობის“ ინტერესები ემთხვევა - ბარიერის დაწევა აუცილებელია ქართული დემოკრატიის განვითარებისთვის
“მარტივი გზა შენს ახალ სახლამდე” – Myhome-ის განახლებული დეველოპერული კომპანიების მოდული
„ნიუ ჰოსპიტალსი“ პაციენტებზე ზრუნვის 10 წლისთავს აღნიშნავს