გიორგი ხანიშვილი ქუვეითის დელეგაციის წარმომადგენლებს შეხვდა

გარემოს დაცვისა და სოფლის მეურნეობის მინისტრის პირველი მოადგილე გიორგი ხანიშვილი „აზიისა და სპარსეთის ყურის ქვეყნების ბიზნესპალატის“ (BCAGC) წარმომადგენლებს შეხვდა.

გარემოს დაცვისა და სოფლის მეურნეობის სამინისტროს ინფორმაციით, შეხვედრას ქუვეითის ელექტრონული მედიის კავშირის საბჭოს მდივანი მუჰამად ზაფირ ალ-არადა და BCAGC-ის ვიცეპრეზიდენტი დავით ცირდავა ესწრებოდნენ.

„ქუვეითის დელეგაციის წარმომადგენლებთან განვიხილეთ ორ ქვეყანას შორის სავაჭრო ურთიერთობების პოტენციალი. მნიშვნელოვანია, რომ დივერსიფიკაციის ფარგლებში, საქართველო ყოველწლიურად აფართოებს იმ ბაზრებს, სადაც სოფლის მეურნეობაში წარმოებული პროდუქციის ექსპორტი განხორციელდება. გალფის ქვეყნებთან გვაქვს კარგი გამოცდილება სხვადასხვა სასოფლო-სამეურნეო და მეცხოველეობის პროდუქციის ექსპორტის მიმართულებით. ვფიქრობ, შევძლებთ კიდევ უფრო გავზარდოთ და გავაუმჯობესოთ ქუვეითთან არსებული სავაჭრო ურთიერთობები“, - განაცხადა გიორგი ხანიშვილმა.

აღსანიშნავია, რომ „აზიისა და სპარსეთის ყურის ქვეყნების ბიზნესპალატა“ უცხოელ პარტნიორებთან ერთად შექმნილი არაკომერციული გაერთიანებაა, რომელმაც უკვე გადადგა მნიშვნელოვანი ნაბიჯები და გრძელვადიანი სამომავლო გეგმები აქვს.

პაატა ზაქარეიშვილი - ხელისუფლება თავისი პოლიტიკით საქართველოსა და კავკასიაში  რუსეთის პოზიციებს აძლიერებს
ქართული პრესის მიმოხილვა 02.02.2023
ლევან  შენგელია - საქართველოს შემთხვევაში „სუვერენული დემოკრატია“ საგარეო-პოლიტიკური ორიენტაციის ხასიათსაც ატარებს და ის აშკარად არ არის დასავლეთისკენ მიმართული
Apple-ისთვის პროგრამული ენის შესასწავლად BTU IOS LAB-ში საბავშვო კოდინგის კურსი დასრულდა
ბორუსან კატმა კოლეჯ „სპექტრში“ სასწავლო ცენტრი გახსნა
კახა ოქრიაშვილი NDI-ის კვლევაზე - მოსახლეობის ნახევარი უმუშევარია - აი, ეს არის სიმართლე
ლიბერთი განათლებისთვის - ლიბერთი 2023 წლის ათასწლეულის ინოვაციის კონკურსის ოფიციალური პარტნიორია