ადვოკატი - ძალიან მაინტერესებს გაბედავენ, თუ ვერა მიხეილ სააკაშვილის ახალ ბრალთან დაკავშირებით  სასამართლო პროცესის ჩატარებას, მგონია, რომ ვერ გაბედავენ

ღიმილის მომგვრელი იყო პროკურატურის ბრიფინგი, განსაკუთრებით იმის გაგება, რომ მიხეილ სააკაშვილი გადაადგილდებოდა მთელი საქართველოს მასშტაბით, განსაკუთრებით იმის გაგება, რომ დღის საათებში მოძრაობდა, - ამის შესახებ ყოფილი პრეზიდენტის, მიხეილ სააკაშვილის ადვოკატმა, დიმიტრი საძაგლიშვილმა რუსთავში, მე-12 პენიტენციურ დაწესებულებაში ექსპრეზიდენტთან შესვლამდე, ჟურნალისტებს განუცხადა.

მისი თქმით, სასაცილოა იმის გაგება, რომ ყოფილმა პრეზიდენტმა დაკავებამდე მთელი საქართველო შემოიარა.

ადვოკატის განცხადებით, ეს მიანიშნებს იმაზე, რომ სახელმწიფო უსაფრთხოების სამსახური ქვეყანაში „ჩამოშლილია.“

„ღიმილის მომგვრელი იყო პროკურატურის ბრიფინგი, განსაკუთრებით იმის გაგება, რომ მიხეილ სააკაშვილი გადაადგილდებოდა მთელი საქართველოს მასშტაბით, განსაკუთრებით იმის გაგება, რომ დღის საათებში მოძრაობდა. ამ ქვეყანაში სახელმწიფო უსაფრთხოების სამსახური ჩამოშლილია. ის ტყუილები, რაც ჩვენ მოვისმინეთ, თითქოს იყო ტრუსკავეცში და ხან ბუენოს - აირესიდან მოგვესალმებოდნენ „ქართული ოცნების“ ლიდერები. სასაცილო იყო ეს ყველაფერი, მითუმეტეს იმის ფონზე, მიხეილ სააკაშვილს შემოუვლია მთელი საქართველო, როგორც ჩანს, თითქმის ყველა ქალაქშია ნამყოფი.

ძალიან მაინტერესებს გაბედავენ თუ ვერა მიხეილ სააკაშვილის ახალ ბრალთან დაკავშირებით, სასამართლო პროცესის ჩატარებას. მე უფრო მგონია, რომ ვერ გაბედავენ და ამ შემთხვევაშიც არ ჩაატარებენ სასამართლო პროცესს, ყოველ შემთხვევაში იქამდე, ვიდრე მიხეილ სააკაშვილს გადაადგილება შეუძლია და სასამართლო პროცესში მონაწილეობის მიღებას შეძლებს“, - განაცხადა დიმიტრი საძაგლიშვილმა.

ვიტალი ბალა - თუ რუსეთმა უკრაინის საზღვრებიდან თავისი სამხედროების გაყვანა არ დაიწყო, ცხადი გახდება, რომ ბაიდენი და პუტინი უკრაინასთან დაკავშირებით ვერაფერზე შეთანხმდნენ
გიორგი კუნაძე - ამჯერად გადავრჩით, მაგრამ, როგორც იტყვიან - უკეთესობის უნდა გჯეროდეს, მაგრამ უარესისთვის უნდა ემზადო
ქართული პრესის მიმოხილვა 09.12.2021
ოქროყანაში რეკრეაციულ სამკუთხედში მოქცეული უნიკალური საცხოვრებელი უბანი სიმეტრია პარკი შენდება
„ვისოლ ავტო ექსპრესი” ავტომომსახურების ცენტრების ქსელის განვითარებას განაგრძობს
პროკრედიტ ბანკის სამეთვალყურეო საბჭოს ორი დამოუკიდებელი წევრი შეემატა
სილქფესტის ახალი შეთავაზება - შეივსე სასაუბრო წუთებით და გაიუმჯობესე ინტერნეტი სასურველი მოცულობით