გურამ მაჭარაშვილი - „ლელოს“ და „გირჩის“ გადაწყვეტილება მგლის თავზე სახარების კითხვას ჰგავს - „ნაცმოძრაობის“ დანამატი გახდნენ, საზოგადოებას ატყუებენ, მთავრობას საკრებულო ამტკიცებს, სადაც უმრავლესობა „ოცნებას“ აქვს

"ლელოს" და "გირჩის" გადაწყვეტილება მგლის თავზე სახარების კითხვას ჰგავს - ახლა არა მხოლოდ ცალი ფეხით არიან "ნაციონალურ მოძრაობაში", არამედ "ნაცმოძრაობის" დანამატი გახდნენ, - ასე აფასებს საპარლამენტო უმრავლესობის წევრი გურამ მაჭარაშვილი ოპოზიციის მიერ წარდგენილ თბილისის მთავრობის ჩრდილოვან კაბინეტს.

ამასთან, როგორც მაჭარაშვილი ამბობს, ისინი საზოგადოებას ატყუებენ და ჩრდილოვანი კაბინეტის ჩამოყალიბება არასერიოზულია, რადგან თბილისის მთავრობას საკრებულო ამტკიცებს, სადაც უმრავლესობა "ქართულ ოცნებას“ ჰყავს".

"ვერ ისწავლა ოპოზიციამ, საზოგადოების გადაწყვეტილების შესაბამისად, დამოუკიდებელი ნიშა დაიკავონ ოპოზიციურ სპექტრში. 2020- სა და 2021- ის არჩევნებმა აჩვენა, რომ ოპოზიციამ "ნაციონალური მოძრაობის" გარდა, დაკარგა მხარდაჭერა. ნაწილმა ისწავლა ჭკუა და მცდელობა აქვთ დამოუკიდებლად ითამაშონ პოლიტიკურ ასპარეზზე, მაგრამ "ლელოს" და "გირჩის" გადაწყვეტილება მგლის თავზე სახარების კითხვას ჰგავს. ახლა არა მხოლოდ ცალი ფეხით არიან „ნაციონალურ მოძრაობაში“, არამედ დანამატი გახდნენ "ნაცმოძრაობის" და ეს საჯაროდ განაცხადეს. ამიტომ იმის შანსი, რომ რომელიმე პოლიტიკური ორგანიზაცია მათგან დამოუკიდებლად ჩამოყალიბდეს, პრაქტიკულად, ნულოვანია. არ მგონია, რომ "დროა" სერიოზულად განსახილველი ორგანიზაცია იყოს, "ლელო" და "გირჩი" დღეიდან შეგვიძლია განვიხილოთ, როგორც "ნაციონალური მოძრაობის" დანამატი. როცა მათი დანამატი ხდები, იზიარებ იმ პასუხისმგებლობას, რაც ამ ორგანიზაციას გააჩნია,"- განაცხადა მაჭარაშვილმა.

რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
ქართული პრესის მიმოხილვა 20.01.2022
გიორგი კანაშვილი - უკვე გაჩნდა დაკვეთა სხვა პოლიტიკური კულტურის მქონე პოლიტიკოსებზე და დროა, პოლიტიკოსებმა ალღო აუღონ ახალ რეალობას
"ავერსსა" და ეროვნულ ოლიმპიურ კომიტეტს შორის თანამშრომლობის მემორანდუმი განახლდა
„ლისი დეველოპმენტმა" International Property Awards-ზე უძრავ ქონებაში ორი ხუთვარსკვლავიანი ჯილდო მიიღო
PSP 2021 წლის „ლიდერ“ ბრენდად დასახელდა
მცირე და საშუალო ბიზნესების გაძლიერების პროგრამა BGROW დაიწყო
"სილქფესტი" მომხმარებლებს ორი დღით სასაუბრო და ინტერნეტ პაკეტებს შესთავაზებს!