ეს არის რაღაც უაზრო თამაშები, - ასე შეაფასა „ქართული ოცნების“ თავმჯდომარემ, ირაკლი კობახიძემ ნიკა მელიას მიერ წარდგენილი თბილისის მთავრობის ჩრდილოვანი კაბინეტი.

კობახიძის თქმით, თბილისში კახა კალაძე უპირობოდ გაიმარჯვებს.

„ეს ე.წ. კოალიცია მათ წარადგინეს ჯერ კიდევ პირველ ტურამდე და გახსოვთ, რომ იქ იყო წარმოდგენილი მელია, ხოშტარია და ზურა ჯაფარიძე. ახლა დაამატეს 2,5%-იანი „ლელო“ და 0%-იანი ბურჯანაძის პარტია - ეს არის რაღაც უაზრო თამაშები. რა თქმა უნდა, თბილისში კახა კალაძე უპირობოდ მოიგებს არჩევნებს და იგივე მოლოდინი გვაქვს სხვა მუნიციპალიტეტებში“, - განაცხადა ირაკლი კობახიძემ.