ნათია თურნავა ევროპის ენერგეტიკული გაერთიანების დირექტორს იანეს კოპაჩს შეხვდა

საქართველოში მიმდინარე ენერგეტიკული ბაზრის რეფორმა და ქვეყნის ენერგეტიკის წინაშე არსებული გამოწვევები განიხილეს საქართველოს ეკონომიკისა და მდგრადი განვითარების მინისტრმა ნათია თურნავამ და ევროპის ენერგეტიკული გაერთიანების დირექტორმა იანეს კოპაჩმა, რომელიც საქართველოში სამუშაო ვიზიტით იმყოფება.

შეხვედრას ასევე დაესწრო ეკონომიკისა და მდგრადი განვითარების მინისტრის მოადგილე დავით თვალაბეიშვილი.

შეხვედრაზე ნათია თურნავამ მადლობა გადაუხადა იანეს კოპაჩს და ევროპის ენერგეტიკულ გაერთიანებას რეფორმის განხორციელების პროცესში გაწეული დახმარებისთვის. მისი თქმით, რეფორმის მიმდინარეობას საქართველოში პანდემიით განსაზღვრულმა რეგულაციებმაც ვერ შეუშალა, რაც მის პრიორიტეტულობას მიანიშნებს.

თავის მხრივ, ევროპის ენერგეტიკული გაერთიანების დირექტორმა დადებითი შეფასება მისცა საქართველოს ენერგეტიკული ბაზრის რეფორმის მიმდინარეობას, მასში ბაზრის მონაწილე კერძო სექტორის ჩართულობის ხარისხს, აგრეთვე მატერიალურ-ტექნიკური ინფრასტრუქტურის მდგომარეობას, რომელზეც რეფორმის წარმატება დიდწილად არის დამოკიდებული.

ითქვა, რომ საქართველომ შემჭიდროებულ ვადებში შეძლო, მიეღო უმნიშვნელოვანესი საკანონმდებლო ბაზა, რომლითაც შესაძლებელია ენერგეტიკული რესურსების ღია და კონკურენტული ბაზრის ჩამოყალიბება - განვითარებაც. ეს კი ხელს შეუწყობს ქვეყნის უწყვეტ ენერგომომარაგებას და უზრუნველყოფს ენერგოუსაფრთხოების ხარისხის ამაღლებას.

ამის შესახებ ინფორმაციას საქართველოს ეკონომიკისა და მდგრადი განვითარების სამინისტრო ავრცელებს.

პაატა ზაქარეიშვილი - ხელისუფლება თავისი პოლიტიკით საქართველოსა და კავკასიაში  რუსეთის პოზიციებს აძლიერებს
ქართული პრესის მიმოხილვა 02.02.2023
ლევან  შენგელია - საქართველოს შემთხვევაში „სუვერენული დემოკრატია“ საგარეო-პოლიტიკური ორიენტაციის ხასიათსაც ატარებს და ის აშკარად არ არის დასავლეთისკენ მიმართული
Apple-ისთვის პროგრამული ენის შესასწავლად BTU IOS LAB-ში საბავშვო კოდინგის კურსი დასრულდა
ბორუსან კატმა კოლეჯ „სპექტრში“ სასწავლო ცენტრი გახსნა
კახა ოქრიაშვილი NDI-ის კვლევაზე - მოსახლეობის ნახევარი უმუშევარია - აი, ეს არის სიმართლე
ლიბერთი განათლებისთვის - ლიბერთი 2023 წლის ათასწლეულის ინოვაციის კონკურსის ოფიციალური პარტნიორია