მამუკა ხაზარაძე „ნაცმოძრაობაზე“ - იმის ძახილით, რომ „მგელი მოვა“, ქვეყანა წინ ვერ წავა - ეს მგელი დღეს აღარ არსებობს, მისი თავები და ხელმძღვანელები ციხეში არიან

აბსოლუტურ პროპაგანდაში, რომ „მოდის მიშა სააკაშვილი“, იკარგება სიმართლე. ციხეში ჰყავთ მიშა სააკაშვილი და ყველა ის თანამდებობის პირი, რომელმაც დანაშაული ჩაიდინა და რა ვქნათ, როდემდე ვილაპარაკოთ ამაზე? აღარ ვიცხოვროთ, აღარ შევცვალოთ, თუ მთელი ცხოვრება ვუყუროთ ახლა „ქართულ ოცნებას“, რომელმაც ეს ცხრა წელი მოგვყიდა? კოჰაბიტაცია ხომ დაიწყეს და რით დამთავრდა? არანაირი სამართლიანობის აღდგენა არ მოხდა, - ამის შესახებ „ლელოს“ ლიდერის და თბილისის მერობის ოპოზიციონერი კანდიდატის, ნიკა მელიას მიერ ვიცე-მერის პოზიციაზე დასახელებულმა მამუკა ხაზარაძემ „პალიტრანიუსის“ გადაცემა „თავისუფალ სტუდიაში“ განაცხადა.

მისივე თქმით, ყველა, ვინც „ნაციონალურ მოძრაობაში“ დანაშაული ჩაიდინა, ციხეშია.

„სწორედ ეს არის „ოცნების“ პროპაგანდა ბოლო 9 წლის განმავლობაში, ამის შიშით, რომ არაფერი გავაკეთოთ. მაშინ დავრჩეთ სადაც ვართ, ამ ჭაობში, იმის შიშით, რომ ხვალ შეიძლება რაღაც მოხდეს, რაც უკვე ვნახეთ და ვინმე ჭკუათმყოფელს თუ უნდა იმ ამბავში შესვლა, მაშინ საერთოდ არაფრის ღირსები არ ვყოფილვართ, საერთოდ არაფრის ძალა არ ჰქონია ამომრჩეველს, არცერთ პარტიას, მაშინ დავანებოთ ყველაფერს თავი. ეს ჩემთვის არგუმენტი არ არის, რომ 9 წლის წინაც იყო უბედურება, შევცვალეთ ეს ყველაფერი, მაგრამ კარგიც იყო რაღაცები, რომელსაც დღეს „ქართული ოცნება“ იყენებს. ცუდსაც ისევე იყენებს, როგორც კარგს. ცუდია ის სასამართლო სისტემა, რომელიც გადმოიბარა, მურუსიძის სასამართლო, კარგია პოლიცია, რომელიც შეიქმნა თავის დროზე და გადმოიბარა „ქართულმა ოცნებამ“. რას გადააბარებს „ქართული ოცნება“ მომავალში, ხვალ კოალიციურ მმართველობას? გაღატაკებულ ბიუჯეტს, თითქმის მილიონამდე ასულ, სოც-დახმარებაზე ჩაწერილ ადამიანს, რომელიც წლიდან წლამდე იზრდება, ქვეყნის ბიუჯეტის უზარმაზარ ვალებს, არანაირ ინვესტიცია, უბრალოდ აღარ შემოდის ქვეყანაში იმიტომ, რომ ქვეყანას დააკარგინეს ნდობა. როცა შენი პარტნიორების, ევროპარლამენტარების ასე მოხსენიება ხდება, ღმერთმა არ გაგვიჭირვოს, ხვალ ვინ უნდა მივიდეს საქართველოს სახელით ევროკავშირთან და ვინ რა უნდა სთხოვოს? ეს მთავრობა უნდა მივიდეს გუშინ რომ აგინებდნენ?

„ნაციონალურ მოძრაობაში“ ვინც იყო, ვინც დანაშაული ჩაიდინა, ყველა ციხეშია პრეზიდენტიდან დაწყებული. თუ ვინმე არ დაიჭირეს და დანაშაული ჰქონდა ჩადენილი, ისევ „ქართულმა ოცნებამ“ არ დაიჭირა, გადმოიპორტირა თავის რიგებში, გადახედეთ მათ რიგებს პარლამენტში, სტრუქტურებში და სასამართლოში, უცბად აღმოაჩენთ „ნაციონალური მოძრაობის“ იმ ადამიანებს, რომლებზეც პრეტენზია აქვს ვითომ „ქართულ ოცნებას".

ასე საკითხის დაყენება არ შეიძლება იმიტომ, რომ არსად არ წავა ქვეყანა, იმის ძახილით, რომ „მგელი მოვა, მგელი მოვა“, ეს მგელი აღარ არსებობს დღეს, მისი თავები და ხელმძღვანელები არიან ციხეში დღეს. ჩვენ უნდა მივეჩვიოთ ხვალინდელ დღეზე ორიენტაციას, საერთო ენის გამონახვას. გარანტია იმისა, რომ მსგავსი რამ არ მოხდება არის ჩვენი ძალიან მტკიცე პოზიცია. არავითარ შემთხვევაში მომავალში არ დავუშვებთ ერთპარტიულ მმართველობას, გამორიცხულია“, - განაცხადა მამუკა ხაზარაძემ.

მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
ქართული პრესის მიმოხილვა 29.11.2021
ალექსანდრე თვალჭრელიძე - ხელისუფლებისადმი ნდობა დამოკიდებულია არა იმაზე, თუ რა პროგრამებს აანონსებს, არამედ იმაზე, თუ როგორ ასრულებს გაცემულ დაპირებებს
ბიძინა ლებანიძე - საქართველომ და უკრაინამ გერმანიასთან მიმართებაში ფუჭი მოლოდინი არ უნდა შეიქმნას, გერმანია სამხედრო თვალსაზრისით არ ჩაერთვება არც ერთ სამეზობლო კონფლიქტში
განსაკუთრებული ტექ-ინვესტორი საქართველოში - GAABU-ს ახალი წევრი და ტექნოლოგია, რომელიც ცვლის ტელეკომუნიკაციის სამყაროს მომავალს
სილქფესტი ფასდაკლების დღეებს უერთდება - გაეცანით სილქნეტის მთავარ შეთავაზებებს
ზეთისხილის საერთაშორისო საბჭოს 114-ე სესია, რომელიც საქართველოში მიმდინარეობდა, დასრულდა
პროგრამა ბალანსი ბიზნესისთვის - როგორია ფინანსების აღრიცხვისა და ავტომატიზაციის თანამედროვე სტანდარტი?
XXI საუკუნის ხელნაწერ „ვეფხისტყაოსანზე“ 18-წლიანი მუშაობა დასრულდა - რა უნდა იცოდეთ ახალ, უნიკალურ გამოცემაზე
საინფორმაციო პორტალი 08.GE - ყველა კითხვაზე პასუხი ერთ სივრცეში
საქართველო ზეთისხილის საერთაშორისო დღეს უმასპინძლებს, რომელიც იუნესკოს ეგიდით ტარდება