ირაკლი კობახიძე - კონკრეტულ ევროპარლამენტარებს, რომლებიც „ნაციონალური მოძრაობის“ ლობისტები არიან, აღარ მივცემთ საქართველოში მართლმსაჯულების პოლიტიზების საშუალებას

ჩვენ არავის, მათ შორის კონკრეტულ ევროპარლამენტარებს, რომლებიც სინამდვილეში არიან „ნაციონალური მოძრაობის“ ლობისტები, აღარ მივცემთ საქართველოში მართლმსაჯულების პოლიტიზების საშუალებას, - ასე უპასუხა „ქართული ოცნების“ თავმჯდომარემ ირაკლი კობახიძემ ჟურნალისტებს ევროპარლამენტარის რასა იუკნევიჩიენეს განცხადებას, რომელიც სააკაშვილზე ღარიბაშვილის განცხადებას შეეხებოდა.

კობახიძის თქმით, ერთი და იგივე ლობისტების მხრიდან, მთელი ამ 9 წლის განმავლობაში, მართლმსაჯულების პოლიტიზების მცდელობა იყო.

„სამწუხაროდ, ცალკეულ შემთხვევებში ეს მცდელობა იყო წარმატებული. ჩვენ ქვეყანაში ეს ხელს უწყობდა პოლარიზაციას. გახსოვთ უგულავას, რურუას, მელიას და ოქრუაშვილის შემთხვევა, ეს იყო მართლმსაჯულების პოლიტიზების უხეში მცდელობები. ასეთი მცდელობები ვეღარავითარ შემთხვევებში ვერ იქნება წარმატებული საქართველოში. ჩვენ არავის, მათ შორის კონკრეტულ ევროპარლამენტარებს, რომლებიც სინამდვილეში არიან „ნაციონალური მოძრაობის“ ლობისტები, აღარ მივცემთ საქართველოში მართლმსაჯულების პოლიტიზების საშუალებას. ამას ერთხელ და სამუდამოდ დაესვა წერტილი, სააკაშვილი მინიმუმ 6 წელი ციხეში იჯდება, რაც არ უნდა თქვან მათმა ლობისტებმა“ , - განაცხადა კობახიძემ.

ცნობისთვის, ევროპარლამენტარი რასა იუკნევიჩიენე საქართველოს პრემიერ-მინისტრის, ირაკლი ღარიბაშვილის კომენტარს „ტვიტერში“ გამოეხმაურა, რომლის მიხედვითაც თუ სააკაშვილი წესიერად არ მოიქცევა, სხვა მუხლებსაც დაუმატებენ.

რასა იუკნევიჩინემ აღნიშნა, რომ „ეს არის საქართველოს პრემიერ-მინისტრის მხრიდან პირდაპირი აღიარება, რომ სააკაშვილის წინააღმდეგ საქმე პოლიტიკურია. სამწუხაროა და შეუთავსებელია ევროკავშირის ასოცირებული ქვეყნის სტატუსთან“.

ალექსანდრე თვალჭრელიძე - ფრიდმანის წინააღმდეგ სანქციების დაწესებამ იდეალური შესაძლებლობა შექმნა კომპანიის გაკოტრების და იქ სახელმწიფო მმართველის იმპერატიული დანიშვნისთვის, ამას კი „ბორჯომის“ ნაციონალიზაცია უნდა მოჰყვეს
ქართული პრესის მიმოხილვა 20.05.2022
იუველ ნოა ჰარარი - ყველაფერი სასწორზე დაიდო, რადგან პუტინმა დაანგრია უდიდესი ტაბუ, გლობალური წესრიგი - მას რომ შედეგისთვის მიეღწია, ეს მთელ მსოფლიოში გამოიწვევდა დესტაბილიზაციას
თამარ ალადაშვილი - გარემოსდაცვითი ინფორმაციისა და განათლების ცენტრს ახალი ფუნქციები ემატება, რაც კიდევ უფრო მეტად შეუწყობს ხელს საზოგადოების გარემოსდაცვით საკითხებში ჩართულობას
„მაკდონალდს საქართველო“ Mc Happy Day-ის საქველმოქმედო კამპანიას იწყებს
დამზადებულია საქართველოში - „სავალი“ - კიდევ ერთი ახალი ქართული წარმოების ბრენდი „დრესაპ ჯგუფისგან“
ახალი ლიბერთი ადამიანებისთვის - ლიბერთის ახალი საპილოტე პროექტი
BTU-ს სტუდენტური სტარტაპების საგრანტო კონკურსის გამარჯვებული ცნობილია
ლიბერთი პროექტის „ახალგაზრდული მეწარმეობა სოფლის განვითარებისთვის“ სტრატეგიული პარტნიორი  გახდა