პრემიერი - ძალიან ამბიციური გეგმები მაქვს და არ მცალია არც კობა ნაყოფიასთვის, არც ანზორ მელიასთვის და მათ ვერ დაველოდებით საქმის გასაკეთებლად

ძალიან ამბიციური გეგმები მაქვს და არ მცალია არც კობა ნაყოფიასთვის, არც ანზორ მელიასთვის და მათ ვერ დაველოდებით საქმის გასაკეთებლად. გეგმა მაქვს, რომ ბიუჯეტი გავუზარდო თვითმმართველობის ორგანოებს, მუნიციპალიტეტებს, ძალიან მასშტაბური განახლების პროექტების დაფინანსებას ვგეგმავთ განახლებული რეგიონების ფარგლებში, - ამის შეასხებ პრემიერ-მინისტრმა ირაკლი ღარიბაშვილმა ჟურნალისტებს ცაგერში განუცხადა.

ამასთან, როგორც ღარიბაშვილმა აღნიშნა, თვითმმართველობის არჩევნების მეორე ტურში „ოპოზიციონერი მერი ვერ გაიმარჯვებს“.

„ოპოზიციონერი მერი ვერ გაიმარჯვებს, იმიტომ, რომ ხალხი არის ბრძენი და ხალხი მოძალადეს, „კასტილებიან“ მკვლელებს და მჩაგვრელებს აღარ აირჩევს“, - განაცხადა ირაკლი ღარიბაშვილმა.

პრემიერმა უპასუხა ჟურნალისტის კითხვას, თუ რამდენად დემოკრატიულია ის, რასაც ახლა საუბრობს.

„რამდენად დემოკრატიულია? შედარებისთვის, რა არის დემოკრატიული მაშინ მითხარით. თქვენ, ახლა პოლიტიკოსი ხართ თუ ჟურნალისტი?!“ - მიმართა ჟურნალისტს პრემიერ-მინისტრმა.

როგორც ირაკლი ღარიბაშვილმა აღნიშნა, ყველა მუნიციპალიტეტში დაწყებული დედაქალაქიდან, „ქართული ოცნების“ კანდიდატი დამაჯერებლად გაიმარჯვებს.

„კიდევ ერთხელ მინდა ვუთხრა ამ დესტრუქციულ ძალებს, მათ არ აქვთ არავითარი შანსი და მათ ჩვენ არავითარ შანსს დავუტოვებთ, რომ ქვეყანაში შემოიტანონ არეულობა და ქაოსი. რევოლუციების, ქაოსის, ომების დრო ჩვენი ხელისუფლების პირობებში დამთავრებულია! მათი ბოროტების მთავარი შემოქმედი ციხეშია და დიდხანს იჯდება ციხეში, ეს მინდა ვუთხრა, ყველა პროვოკატორს. ჩვენი მთავარი ამოცანაა, რომ მშვიდიად, აბსოლუტურად გამჭვირვალედ ჩავატაროთ მეორე ტურის არჩევნები და ქვეყანამ გააგრძელოს გრძელვადიანი განვითარება. მინიმუმ სამი წელი, რა თქმა უნდა, ჩვენ გვექნება შესაძლებლობა, რომ რეალურ პრობლემებზე ვიფიქროთ, მოვაგვაროთ ჩვენი მოსახლეობის პრობლემები,მეტი სამუშაო ადგილები შევქმნათ, მეტი განვითარება და მეტი პროგრესი შევიტანოთ ყველა რეგიონში“, - აცხადებს ღარიბაშვილი.

გია ხუხაშვილი - „ოცნებამ“ „ნაცმოძრაობის“ თავმჯდომარედ მისთვის ყველაზე კომფორტული პიროვნება მიიღო, ამიტომ იყო, რომ მმართველი გუნდი ხაბეიშვილს გულშემატკივრობდა
ქართული პრესის მიმოხილვა 30.01.2023
ფარხად მამედოვი - აზერბაიჯან-სომხეთის მოლაპარაკებები შეიძლება შედგეს თბილისში, მაგრამ იმ შემთხვევაში, თუ ძირითადი მოდერატორი ამერიკა იქნება და არა ევროკავშირი
ხელოვნური ინტელექტი და სწავლების მეთოდები - BTU მასშტაბურ კვლევას იწყებს
ქართული ბიზნესკომპანიები უკრაინის მხარდაჭერას განაგრძობენ
Glovo და TNET საქართველოში ახალ ტექნოლოგიურ რეალობას ქმნიან
ხელოვნური ინტელექტის ინოვაციური პროდუქტის ChatGPT-ს შესახებ BTU-ში დისკუსია გაიმართა
Wolt საქართველოს მომხმარებელთა მხარდაჭერის გუნდი მალე გერმანიასაც მოემსახურება
“ლიბერთი” განათლების ხელშეწყობას აგრძელებს
წიგნი, რომელიც ხელოვნური ინტელექტის მიერ დაიწერა BTU-ში წარადგინეს
USA2GEORGIA მომხმარებლის წინაშე სრულ პასუხისმგებლობას იღებს და გამოწვევას უპრეცედენტო ლოიალობით პასუხობს