ირაკლი ღარიბაშვილი - ჩვენ დავასრულებთ ამ თეატრს, რომელსაც  24 საათის განმავლობაში ისმენს მოსახლეობა პატიმარ სააკაშვილზე, მის შიმშილობაზე თუ დიეტაზე

სამუშაო ადგილები და განვითარება, ეს იქნება ჩვენი მთავარი სალაპარაკო და გასაკეთებელი საქმე არჩევნების შემდეგ, - ამის შესახებ საქართველოს პრემიერ-მინისტრმა ირაკლი ღარიბაშვილმა ჟურნალისტებს წყალტუბოში განუცხადა.

მთავრობის მეთაურმა აღნიშნა, რომ მმართველი გუნდის კანდიდატი ყველა მუნიციპალიტეტში დამაჯერებლად გაიმარჯვებს და ამაზე წინასწარი კვლევებიც მეტყველებს.

„მე ვარ ქვეყნის პრემიერ-მინისტრი და ხალხმა ჩვენს პარტიას გამოუცხადა ნდობა, ჩვენ 47%-იანი ლეგიტიმაცია გვაქვს, მე ვესაუბრები ჩვენს ხალხს, თქვენ, როგორც ჟურნალისტი ვალდებული ხართ, დაამთავრებინოთ პრემიერ-მინისტრს განცხადების გაკეთება. ჩვენი წინასწარი კვლევებით, განწყობებით, ვიცით რა, რა ხდება თითოეულ მუნიციპალიტეტში, იცით თქვენც, იციან მათაც, რომ ყველგან მარცხდებიან და დამარცხდებიან და ამ საქმეს ბოლომდე მივიყვანთ. ერთი რამ მინდა ვთქვა, ხალხს დღეს სჭირდება სიმშვიდე, ქვეყანას სჭირდება, ყველას გვჭირდება სიმშვიდე, განვითარება, საქმე, პროგრესი, კეთილდღეობა. სამუშაო ადგილები და განვითარება, ეს იქნება ჩვენი მთავარი სალაპარაკო და გასაკეთებელი საქმე არჩევნების შემდეგ. ჩვენ დავასრულებთ ამ უმსგავსობას, ამ თეატრს, რომელსაც ყოველდღიურად 24 საათის განმავლობაში ისმენს ჩვენი მოსახლეობა - პატიმარ სააკაშვილზე, მის შიმშილობაზე თუ დიეტაზე, აბსურდულ პანიკასა თუ ქაოსზე, რომელიც მათგან მომდინარეობს, აი ამ ყალბ პროპაგანდას“, - განაცხადა პრემიერ-მინისტრმა.

რამაზ საყვარელიძე - საქართველოს რუსეთისკენ მოძრაობის მოტივს ვერ ვხედავ, სამაგიეროდ ვხედავ რუსეთის მოტივს, დაარწმუნოს ყველა, რომ საქართველო მისი ისეთი კარგი მეგობარია, რომ მოსკოვი ფრენებსაც კი აღადგენს
ქართული პრესის მიმოხილვა 06.02.2023
ლევან  შენგელია - საქართველოს შემთხვევაში „სუვერენული დემოკრატია“ საგარეო-პოლიტიკური ორიენტაციის ხასიათსაც ატარებს და ის აშკარად არ არის დასავლეთისკენ მიმართული
Apple-ისთვის პროგრამული ენის შესასწავლად BTU IOS LAB-ში საბავშვო კოდინგის კურსი დასრულდა
ბორუსან კატმა კოლეჯ „სპექტრში“ სასწავლო ცენტრი გახსნა
კახა ოქრიაშვილი NDI-ის კვლევაზე - მოსახლეობის ნახევარი უმუშევარია - აი, ეს არის სიმართლე
ლიბერთი განათლებისთვის - ლიბერთი 2023 წლის ათასწლეულის ინოვაციის კონკურსის ოფიციალური პარტნიორია