დარწმუნებული ვარ, რომ ხალხის მხარდაჭერით და თანადგომით დამაჯერებლად დავიმარჯვებთ, - ამის შესახებ დედაქალაქის მერმა, კახა კალაძემ არჩევნების მეორე ტურზე საუბრისას განაცხადა.
მისივე თქმით, ერთ მხარეს არის კონკრეტული სამოქმედო გეგმა, მეორე მხარეს კი არაფერი.
"რაც შეეხება მეორე ტურს, ეს ძალიან მნიშვნელოვანია ჩვენი ქალაქისთვის და ყველა იმ რეგიონისთვის, სადაც ტარდება. მე დარწმუნებული ვარ, რომ ხალხის მხარდაჭერით და თანადგომით დამაჯერებლად გავიმარჯვებთ. ჩვენ რა არჩევანი გვაქვს დღეს. ერთ მხარეს არის კონკრეტული სამოქმედო გეგმა, კონკრეტული პროექტები თბილისთან დაკავშირებით, თუ რა უნდა გაკეთდეს უბნების, რაიონების, ქუჩების მიხედვით. მეორე მხარეს კი საერთოდ არაფერი. მთელი კამპანიის გარეშე არაფერზე საუბრობდნენ, არანაირი პროგრამა, არანაირი ხედვა. ამიტომ, ვფიქრობ, არჩევანის გაკეთება თბილისელებისთვის მარტივია",- აღნიშნავს კალაძე.