ირაკლი ღარიბაშვილი - ხაზარაძე იყო სააკაშვილის კრიმინალური დავალებების მოსამსახურე, კაცმა, რომელსაც წარმატებული ბანკირის იმიჯი ჰქონდა, როგორ უნდა მოახერხო, რომ დღეს დაგარქვან მევახშე

ხაზარაძე სააკაშვილის კრიმინალური დავალებების მოსამსახურე, ბიზნესების დატერორების, ქონებების წართმევის და შემდეგ ბანკის საშუალებით მთელი ამ ტრანზაქციების გატარების უბადლო შემსრულებელი, - ამის შესახებ საქართველოს პრემიერ-მინისტრმა ირაკლი ღარიბაშვილმა ბაღდათში, საარჩევნო შტაბთან შეხვედრის შემდეგ, მამუკა ხაზარაძის განცხადების საპასუხოდ აღნიშნა.

როგორც ირაკლი ღარიბაშვილმა განაცხადა, მამუკა ხაზარაძე კრახით დაამთავრებს.

„რაც შეეხება ხაზარაძეს, ხაზარაძე არის იქ, სადაც უნდა იყოს ის ყოველთვის იყო სააკაშვილის ერთგული მსახური; იგი იყო სააკაშვილის კრიმინალური დავალებების მოსამსახურე. ბიზნესების დატერორების, ქონებების წართმევის და შემდეგ ბანკის საშუალებით მთელი ამ ტრანზაქციების გატარების უბადლო შემსრულებელი. კაცმა, რომელსაც ერთ დროს წარმატებული ბანკირის იმიჯი ჰქონდა, როგორ უნდა მოახერხო, რომ დღეს დაგარქვან მევახშე და სააკაშვილის მსახური. საერთოდ როგორ ბედავს ეს კაცი, რომ ჩვენზე და ლაპარაკობს, თვითმმართველობაზე და დემოკრატიაზე. ამიტომ ღირსია, ამიტომაც უპასუხა ხალხმა და 2%-ზე მეტს ვერ იღებს არჩევნებზე. ასეც დაამთავრებს კრახით, ისევე, როგორც წინა არჩევნებზე დაამთავრა“, - განაცხადა ღარიბაშვილმა.

ცნობისთვის, მამუკა ხაზარაძის განცხადებით, ირაკლი ღარიბაშვილს წარმოდგენა არ აქვს რას ნიშნავს თვითმმართველობა, წაკითხული არ აქვს კონსტიტუცია და კანონები. მისივე თქმით, უბრალო შანტაჟი, პროვოკაცია და დაშინება ირაკლი ღარიბაშვილის განცხადება, რომ ოპოზიციის კანდიდატის გამარჯვების შემთხვევაში, მას „მინიმუმის გაკეთების საშუალება ექნება, რაც ბიუჯეტითაა განსაზღვრული“.

რამაზ საყვარელიძე - საქართველოს რუსეთისკენ მოძრაობის მოტივს ვერ ვხედავ, სამაგიეროდ ვხედავ რუსეთის მოტივს, დაარწმუნოს ყველა, რომ საქართველო მისი ისეთი კარგი მეგობარია, რომ მოსკოვი ფრენებსაც კი აღადგენს
ნათია სონღულაშვილი - ყველა ის გარანტია, რომელსაც სპეციალური საგამოძიებო სამსახური არასათანადო მოპყრობის მსხვერპლს სთავაზობს, გაზრდის მსხვერპლის ნდობას სამსახურისა და თითოეული გამომძიებლის მიმართ
ქართული პრესის მიმოხილვა 06.02.2023
თეონა ლავრელაშვილი - ევროკავშირის ანგარიში თვითკმაყოფილებად არ უნდა ვაქციოთ, მთავარი „საშინაო დავალება“ არის ევროკავშირის 12 რეკომენდაციის მაქსიმალურად შესრულება
მსოფლიო ჩემპიონატის წინ სილქნეტი სათხილამურო ფედერაციასთან ერთად მედიას შეხვდა
კრედო ბანკსა და ევროპის რეკონსტრუქციისა და განვითარების ბანკს (EBRD) შორის ქართული ბიზნესების მხარდასაჭერად ხელშეკრულება გაფორმდა
„საქართველოს საბანკო ასოციაცია“ განცხადებას ავრცელებს
რეკრუტინგის პირველი ქართული აპლიკაციის - Awork Business App-ის პრეზენტაცია 2 თებერვალს, King David-ში გაიმართა
Apple-ისთვის პროგრამული ენის შესასწავლად BTU IOS LAB-ში საბავშვო კოდინგის კურსი დასრულდა
ბორუსან კატმა კოლეჯ „სპექტრში“ სასწავლო ცენტრი გახსნა