სახელმწიფო ინსპექტორის სამსახური ,,პოლიციის შესახებ” კანონში ცვლილებებთან დაკავშირებით განცხადებას ავრცელებს

სახელმწიფო ინსპექტორის სამსახური განცხადებას ავრცელებს.როგორც გავრცელებულ ინფორმაციაშია ნათქვამი, სახელმწიფო ინსპექტორის სამსახური, როგორც პერსონალურ მინაცემთა დაცვაზე საზედამხედველო ორგანო, აქტიურადაა ჩართული ,,პოლიციის შესახებ” საქართველოს კანონში შესატან ცვლილებებთან დაკავშირებულ პროცესებში. სახელმწიფო ინსპექტორის სამსახურმა „პოლიციის შესახებ“ საქართველოს კანონში შესატან ცვლილებებთან დაკავშირებით 2021 წლის 8 სექტემბერს საქართველოს მთავრობას წარუდგინა მოსაზრებები, რაც ნაწილობრივ იქნა გაზიარებული. სამსახურის პოზიცია კანონპროექტით გათვალისწინებულ საკითხებზე 2021 წლის 8 ოქტომბერს ასევე წარედგინა საქართველოს პარლამენტის იურიდიულ საკითხთა და ადამიანის უფლებათა დაცვისა და სამოქალაქო ინტეგრაციის კომიტეტებს. სამსახური აქტიურად არის ჩართული კომიტეტების მუშაობაში, მის მიერ წარდგენილი მოსაზრებების განხილვის მიზნით.

მათივე ცნობით, სახელმწიფო ინსპექტორის სამსახურის მიერ საქართველოს მთავრობასა და საქართველოს პარლამენტში წარდგენილ წერილობით მოსაზრებაში ნათქვამია, რომ პირისადმი იდენტიფიკაციის ღონისძიებების გამოყენების დოკუმენტირებიდან საგამონაკლისო შემთხვევების ფართოდ განსაზღვრა ზრდის პერსონალურ მონაცემთა უკანონო დამუშავების, პოლიციის მუშაკის მიერ უფლების ბოროტად გამოყენებისა და თვითნებობის რისკებს; ასევე, საფრთხეს უქმნის პოლიციის მუშაკის მიერ პერსონალურ მონაცემთა უკანონო დამუშავების შემთხვევების გამოვლენას და მონაცემთა სუბიექტისადმი გამოყენებული საპოლიციო ღონისძიებების შემდგომში გასაჩივრების უფლებას. ამასთან, აღნიშნული ცვლილება ართულებს სახელმწიფო ინსპექტორის სამსახურის მიერ ადმინისტრაციული წარმოების ფარგლებში მტკიცებულებების მოპოვებისა და პერსონალურ მონაცემთა შესაძლო უკანონო დამუშავების ფაქტების გამოვლენის პროცესს.

„რაც შეეხება პირის იდენტიფიკაციის მიზნით საინფორმაციო ბაზებში პირის პერსონალური მონაცემების გადამოწმების საკითხთან დაკავშირებულ ცვლილებას, სახელმწიფო ინსპექტორის სამსახურს მიაჩნია, რომ აღნიშნული ლეგიტიმური იქნება მხოლოდ იმ შემთხვევაში, თუ პირადობის დამადასტურებელი დოკუმენტის წარდგენის შემდგომ პოლიციის მუშაკი ვერ დაადგენს პირის ვინაობას ან/და ამგვარი დოკუმენტის წარდგენის მიუხედავად კვლავ იარსებებს პირის ვინაობაში ეჭვის შეტანის საფუძველი და ასეთ შემთხვევაში დამუშავდება მხოლოდ ამ მიზნის მისაღწევად საჭირო მონაცემები ,,პერსონალურ მონაცემთა დაცვის შესახებ" საქართველოს კანონით დადგენილი წესების დაცვით.

სახელმწიფო ინსპექტორის სამსახურის მიერ საქართველოს მთავრობასა და საქართველოს პარლამენტში წარდგენილი მოსაზრება ასევე შეეხება პოლიციის სისტემაში დასასაქმებელი კანდიდატის/მოსამსახურის შემოწმებისას პერსონალურ მონაცემთა დამუშავების საკითხებს. სამსახური აღნიშნავს, რომ ამ მიმართულებით საჭიროა მეტად განჭვრეტადი და მკაფიო სამართლებრივი ჩარჩო. სახელმწიფო ინსპექტორის სამსახური საქართველოს პარლამენტის იურიდიულ საკითხთა კომიტეტთან განაგრძობს მუშაობას „პოლიციის შესახებ“ საქართველოს კანონში შესატანი ცვლილების პროექტის დახვეწისა და აღნიშნული ცვლილებების „პერსონალურ მონაცემთა დაცვის შესახებ“ საქართველოს კანონით დადგენილ პრინციპებთან და ნორმებთან სრულ შესაბამისობაში მოყვანის მიზნით“, - აღნიშნავენ უწყებაში.

ალექსეი გარანი - კიევსა და მოსკოვს შორის მინსკი 2-ის მსგავსი არანაირი შეთანხმება არ გაფორმდება, რადგან, რაც რუსეთმა  უკრაინაში 24 თებერვლის შემდეგ ჩაიდინა, ეს წარმოუდგენელია
ზაზა ფირალიშვილი - ენტონი ბლინკენის წერილი საქართველოს საგარეო საქმეთა მინისტრისადმი აშკარა ნიშანია იმისა, რომ ჩვენი ხელისუფლების ქცევა ევროატლანტიკურ სივრცეში სერიოზულ ეჭვებს იწვევს
ქართული პრესის მიმოხილვა 23.05.2022
ჰუბერტ ქნირში - გზა ევროკავშირში გაწევრიანებისკენ ჯერ კიდევ გრძელია - ის, რაც რამდენიმე კვირაში ევროპის საბჭომ შეიძლება გადაწყვიტოს, არის გზის დასაწყისი, არის გადაწყვეტილება, რომ ჩვენ ერთად გვინდა ამ გზის გავლა
4-5 ივნისს თბილისის საკონცერტო დარბაზში „ერისიონი“ ახალი პროგრამით წარდგება
IF Design-ის 2022 წლის ღონისძიებაზე ჰიუნდაიმ 9 ჯილდო მოიპოვა
რომელ Galaxy A სმარტფონს ირჩევ შენ?
ვებსტერის უნივერსიტეტსა და თიბისის შორის მემორანდუმი გაფორმდა
ლიბერთი ბანკი - დიდი პასუხისმგებლობა და პატივია უნიკალური ინფრასტრუქტურით მოვემსახუროთ სოციალური გასაცემლების მიმღებ პირებს