სომეხთა სამოციქულო წმინდა ეკლესია აღნიშნავს ცხოველმყოფელი ჯვრის მოპოვების დღესასწაულს.

ამასთან დაკავშირებით, რელიგიის საკითხთა სახელმწიფო სააგენტო განცხადებას ავრცელებს.

„ჯვრის აღმოჩენა ქრისტეს ჯვრისადმი მიძღვნილ ოთხ დღესასწაულთაგან ერთ-ერთია და იგი წმინდა ელენე დედოფლის მიერ 327 წელს, იერუსალიმში ჯვრის აღმოჩენას უკავშირდება.

რელიგიის საკითხთა სახელმწიფო სააგენტო ულოცავს სომხურ სამოციქულო ეკლესიასა და მრევლს დღესასწაულს და მშვიდობას უსურვებს მათ“, - ნათქვამია სააგენტოს განცხადებაში.