პრემიერი ოპოზიციაზე - რაც მალე შეეგუებიან წაგებას და სააკაშვილის გრძელვადიან პატიმრობას, მით უკეთესი მათთვის, ვურჩევდი დროზე იფიქრონ სხვა სამსახურზე, სხვა პროფესიაზე

რაც მალე შეეგუებიან წაგებას და სააკაშვილის გრძელვადიან პატიმრობას მით უკეთესი მათთვის, მე ვურჩევდი დროზე იფიქრონ სხვა სამსახურზე, სხვა პროფესიაზე, - ამის შესახებ საქართველოს პრემიერ-მინისტრმა ირაკლი ღარიბაშვილმა ოპოზიციური პარტიების წარმომადგენლებზე საუბრისას განაცხადა.

მისივე განცხადებით, „რადიკალურმა ოპოზიციამ“ არჩევნები წააგო და მიხეილ სააკაშვილი თავისი ფეხით შევიდა ციხეში, ამის მიუხედავად ოპოზიცია საკუთარ თავს არჩევნებში გამარჯვებულად აცხადებს.

,,როგორი სიმართლეც აღმოჩნდა სამეგრელოში ჩვენს მიერ დაგეგმილი სპეცოპერაციის ჩატარება, ასეთივე სიმართლეა დღევანდელი ბრიფინგი, რომელიც გვარამიამ, ამ არარაობამ ჩაატარა. საკუთარ თავს იტყუებენ ამ შემთხვევაში, ყველაფერს აკეთებენ, რომ საერთაშორისო საზოგადოების თვალში სიტუაცია დაძაბონ, აბსურდული თეატრები დადგან. ეს მცდელობაც კრახით დამთავრდება და ჩვენ მშვიდობიან არჩევნებს ჩავატარებთ. ამ რადიკალურმა ოპოზიციამ წააგო არჩევნები, 47%-იანი შედეგი დავდეთ, მათი მთავარი ლიდერი, ბელადი, ეს ავადმყოფი კაცი თავისი ფეხით შევიდა ციხეში, ამის მიუხედავად გამოდიან და ამბობენ გავიმარჯვეთ არჩევნებშიო, წარმოიდგინეთ როგორ ილუზიებში არიან. რაც მალე შეეგუებიან წაგებას და სააკაშვილის გრძელვადიან პატიმრობას მით უკეთესი მათთვის, მე ვურჩევდი დროზე იფიქრონ სხვა სამსახურზე, სხვა პროფესიაზე“, - აღნიშნა ირაკლი ღარიბაშვილმა.

ალექსანდრე თვალჭრელიძე - ფრიდმანის წინააღმდეგ სანქციების დაწესებამ იდეალური შესაძლებლობა შექმნა კომპანიის გაკოტრების და იქ სახელმწიფო მმართველის იმპერატიული დანიშვნისთვის, ამას კი „ბორჯომის“ ნაციონალიზაცია უნდა მოჰყვეს
ქართული პრესის მიმოხილვა 20.05.2022
იუველ ნოა ჰარარი - ყველაფერი სასწორზე დაიდო, რადგან პუტინმა დაანგრია უდიდესი ტაბუ, გლობალური წესრიგი - მას რომ შედეგისთვის მიეღწია, ეს მთელ მსოფლიოში გამოიწვევდა დესტაბილიზაციას
თამარ ალადაშვილი - გარემოსდაცვითი ინფორმაციისა და განათლების ცენტრს ახალი ფუნქციები ემატება, რაც კიდევ უფრო მეტად შეუწყობს ხელს საზოგადოების გარემოსდაცვით საკითხებში ჩართულობას
„მაკდონალდს საქართველო“ Mc Happy Day-ის საქველმოქმედო კამპანიას იწყებს