თბილისის სახელმწიფო სამედიცინო უნივერსიტეტი განცხადებას ავრცელებს

თბილისის სახელმწიფო სამედიცინო უნივერსიტეტი განცხადებას ავრცელებს.

როგორც განცხადებაშია ნათქვამი, COVID-19-თან ბრძოლის ამ ურთულეს პერიოდში თბილისის სახელმწიფო სამედიცინო უნივერსიტეტის (თსსუ) სოციალური პასუხისმგებლობა განუზომლად დიდია.

„თსსუ - უმაღლესი სამედიცინო განათლების ძირითადი კერა საქართველოში და მისი თანამშრომლები, სტუდენტები პანდემიის დაწყების დღიდან აქტიურად არიან ჩართული უხილავ მტერთან ბრძოლაში.

დღეს, როცა პანდემიის დასრულების გზა ვაქცინაციაზე გადის, თბილისის სახელმწიფო სამედიცინო უნივერსიტეტმა, მისი უპირველესი მოვალეობა - შეექმნა უსაფრთხო ეპიდემიოლოგიური გარემო 8000-მდე სტუდენტისთვის - დიდი წარმატებით შეასრულა:

თბილისის სახელმწიფო სამედიცინო უნივერსიტეტის აკადემიური, ადმინისტრაციული, დამხმარე პერსონალის და მოწვეული მასწავლებლების სრული შემადგენლობა (100%) და სტუდენტების 91% სავსებით აკმაყოფილებს სწავლების არადისტანციურ რეჟიმში განხორციელებისათვის საჭირო სამი სავალდებულო პირობიდან ერთ-ერთს:

- სრულად ვაქცინირებულია;

- ახალი კორონავირუსის (COVID-19) ლაბორატორიულად დადასტურებიდან ორი კვირის შემდეგ არ არის გასული 6 თვეზე მეტი;

- თსსუ-ის ადამიანური რესურსების მართვის სამსახურში ან შესაბამისი ფაკულტეტის დეკანატში კვირაში ერთხელ უზრუნველყოფს PCR ტესტის უარყოფითი პასუხის წარდგენას.

აუცილებლად აღსანიშნავია ის ფაქტი, რომ როგორც სტუდენტების, ასევე პერსონალის აბსოლუტური უმრავლესობა (სტუდენტების 83%, პერსონალის კი - 92%) სრულადაა ვაქცინირებული, რაც დასტურდება მათ მიერ წარმოდგენილი შესაბამისი დოკუმენტებით (სრულად ვაქცინირების (ორი დოზა) დამადასტურებელი დოკუმენტი COVID-19-ის ბარათი QR კოდით). მონაცემები ასახავს 2021 წლის 25 ოქტომბრის მდგომარეობას და იგი განახლებადია.

თბილისის სახელმწიფო სამედიცინო უნივერსიტეტი - უსაფრთხო უნივერსიტეტი!“- ნათქვამია განცხადებაში.

ალექსეი გარანი - კიევსა და მოსკოვს შორის მინსკი 2-ის მსგავსი არანაირი შეთანხმება არ გაფორმდება, რადგან, რაც რუსეთმა  უკრაინაში 24 თებერვლის შემდეგ ჩაიდინა, ეს წარმოუდგენელია
ზაზა ფირალიშვილი - ენტონი ბლინკენის წერილი საქართველოს საგარეო საქმეთა მინისტრისადმი აშკარა ნიშანია იმისა, რომ ჩვენი ხელისუფლების ქცევა ევროატლანტიკურ სივრცეში სერიოზულ ეჭვებს იწვევს
ქართული პრესის მიმოხილვა 26.05.2022
ანაიტ ვოსკანიანი - სომხეთი მსოფლიოს ყველა ტიპის ტურისტისთვის მიმზიდველი ქვეყანაა
PSP-ს გუნდი ფუტსალის ლიგის 1/2 ფინალშია
ბაზისბანკმა ბიზნესში 305 მილიონი ლარის ინვესტიცია განახორციელა
„ლისი ინტელიგენციის“ განვითარებისთვის დახარჯული ჯამური ინვესტიცია 1 500 000 ლარს უტოლდება
Fitch Ratings-მა ბაზისბანკს საკრედიტო რეიტინგი „B+“ დაუდასტურა