პოლიცია უნდა იყოს პოლიტიკურად ნეიტრალური და თუ ვინმეს რაიმე პოლიტიკური გეგმები აქვს, ისინი ბუნებრივია, ტოვებენ პოლიციას, - ამის შესახებ შს მინისტრის მოადგილე ალექსანდრე დარახველიძემ ჟურნალისტებთან განაცხადა, რითაც გამოეხმაურა მედიაში გავრცელებულ ინფორმაციას, რომ შსს რამდენიმე თანამშრომელმა დატოვა.
"სამინისტრო არის ძალიან დიდი უწყება, 40 000- მდე ადამიანი მუშაობს. შესაბამისად, გარკვეული ნაწილი ტოვებს შინაგან საქმეთა სამინისტროს, ხდება ახალი კადრების მიღება. მთავარი პრინციპი რაც არის და კანონის დონეზეა გაწერილი - პოლიცია უნდა იყოს პოლიტიკურად ნეიტრალური და თუ ვინმეს რაიმე პოლიტიკური გეგმები აქვს, ისინი ბუნებრივია, ტოვებენ პოლიციას და აგრძელებენ პოლიტიკურ საქმიანობას", - განაცხადა დარახველიძემ.