ზურაბ ჯაფარიძე - ვებრძვით მონსტრს, რომელიც ყველა შესაძლო ძალებით გვიპირისპირდება - გვჯერა, ქვეყანა წავა კოალიციური მმართველობის გზით

ჩვენ ვებრძვით მართლა მონსტრს, რომელიც ყველა შესაძლო ძალებით გვიპირისპირდება, - ამის შესახებ „გირჩი-მეტი თავისუფლებას“ ლიდერმა, ზურაბ ჯაფარიძემ ქუთაისში ოპოზიციის მიერ კოალიციური მთავრობის წარდგენაზე, სიტყვით გამოსვლისას განაცხადა.

მისი თქმით, ქვეყანაში კოალიციური მმართველობა უნდა შეიქმნას.

„ბევრგან გვაქვს შანსი, რომ დავიწყოთ ამ ქვეყნის მოტრიალება და ნელ-ნელა ჭაობიდან ამოყვანა. ამიტომ, ამ არჩევნებს ბევრად უფრო დიდი დატვირთვა აქვს, ვიდრე უბრალოდ ადგილობრივ არჩევნებს. ჩვენ ვებრძვით მართლა მონსტრს, რომელიც ყველა შესაძლო ძალებით გვიპირისპირდება. ცხადია, ჩვენ არ გვაქვს თავისუფალი და სამართლიანი არჩევნები ამ ქვეყანაში. მიუხედავად ამისა, ჩვენ გვაქვს ახლა ძალიან კარგი შანსი, მათ შორის ქუთაისში, რომ ეს მონსტრი დავამარცხოთ და ქვეყნის შემოტრიალება დავიწყოთ, ეს არის პირველი, რის გამოც მე აქ ვარ. მჯერა, რომ ამ ქვეყნის მომავალი მარლა გადის კოალიციურ მმართველობაზე. ჩვენ ბევრჯერ ვიტრიალეთ ერთი და იგივე წრეზე და ერთპარტიულმა მმართველობამ ამ ქვეყანას ბევრი პრობლემა შეუქმნა. ამ წრეზე აღარ უნდა წავიდეთ, ეს ჩვენ ყველას გააზრებული გვაქვს. მეორე მიზეზი, რის გამოც აქ ვდგავარ, მიუხედავად ჩვენს შორის განსხვავებისა, ჩვენ გადავაბიჯეთ რაღაცებს და შევქმენით კოალიცია, გვჯერა, რომ საბოლოოდ, ეს ქვეყანა წავა კოალიციური მმართველობის გზით. მესამე მიზეზი არის ის, რომ მართლა გულწრფელად მჯერა თვითმმართველობის. მჯერა, რომ საბოლოოდ ძალაუფლება განაწილებული უნდა იყოს არა მარტო შტოებს შორის, არამედ ვერტიკალურად და მჯერა, რეალური თვითმმართველობები ყველგან გვჭირდება, მათ შორის ქუთაისში. ჩვენ ამ წუთში, ამ ქვეყანაში თვითმმართველობა არ გვაქვს“,-განაცხადა ჯაფარიძემ.

ლევან  შენგელია - საქართველოს შემთხვევაში „სუვერენული დემოკრატია“ საგარეო-პოლიტიკური ორიენტაციის ხასიათსაც ატარებს და ის აშკარად არ არის დასავლეთისკენ მიმართული
ქართული პრესის მიმოხილვა 30.01.2023
გია ხუხაშვილი - „ოცნებამ“ „ნაცმოძრაობის“ თავმჯდომარედ მისთვის ყველაზე კომფორტული პიროვნება მიიღო, ამიტომ იყო, რომ მმართველი გუნდი ხაბეიშვილს გულშემატკივრობდა
კახა ოქრიაშვილი - ჩვენი ეკონომიკა გაიზარდა მხოლოდ შარშან, უკრაინის გაუბედურების ხარჯზე, რადგან საქართველოში ხალხი და ფული რუსეთიდან შემოდის
„ლიბერთი“ მასშტაბური პროექტის „ახალგაზრდული მეწარმეობა სოფლის განვითარებისთვის“ სტრატეგიულ პარტნიორობას აგრძელებს
BTU-მ ხელოვნური ინტელექტის ეროვნული სტრატეგიის შექმნისთვის საჭირო კვლევა დაიწყო
სიახლე - „ლიბერთის“ ბანკომატებში Apple Pay-ს და Google Pay-ს გამოყენებით უკვე შესაძლებელია ნებისმიერი ოპერაციის შესრულება
კახა ოქრიაშვილი - ვულოცავ „ნაციონალურ მოძრაობას“ შიდა დემოკრატიის განვითარების ახალ ეტაპზე გადასვლას, რის შედეგადაც ეს პარტია უკეთესი და უკეთესი ლიდერებით შეივსება“
TNET-ი და USAID-ი ითანამშრომლებენ ელექტრონული კომერციის განვითარებისთვის საქართველოში
CashBack და Mastercard-ის აქცია ქართული ბრენდებისთვის - 60%-მდე ქეშბექი ონლაინ შოპინგისას
EIB Global-სა და კრედო ბანკს შორის მიკრო, მცირე და საშუალო ზომის საწარმოების მხარდასაჭერად 28.8 მილიონი ლარის მოცულობის სასესხო ხელშეკრულება გაფორმდა