ამირან გამყრელიძე არავის უპირისპირდება - მოხსენით ეს თემა, რომ მე ვინმე მიპირისპირდება, ან მე ვუპირისპირდები", - ამის შესახებ დაავადებათა კონტროლის ეროვნული ცენტრის ხელმძღვანელმა ამირან გამყრელიძემ ჟურნალისტებთან საუბრისას განაცხადა, რითაც უპასუხა კითხვას, რატომ ვერ მოახერხა მან პრემიერის დარწმუნება, რომ გარკვეულ ჯგუფებში სავალდებულო გახდეს იმუნიზაცია.
როგორც გამყრელიძე განმარტავს, საკოორდინაციო საბჭოზე ყველა თავისუფლად გამოთქვამს თავის მოსაზრებებს.
„ამირამ გამყრელიძე არავის უპირისპირდება, მითუმეტეს, იცით, რომ მე პოლიტიკურ განცხადებებს არ ვაკეთებ. პოლიტიკურ პიროვნებებს და ადამიანებს, ვისაც საქართველოს პოლიტიკაში ყველაზე წამყვანი ადგილი უკავია, მათ არ დავუპირისპირდები. მოხსენით ეს თემა, რომ მე ვინმე მიპირისპირდება ან მე ვუპირისპირდები. საკოორდინაციო საბჭო იმიტომ არის კოლეგიალური ორგანო, იმიტომ არის მულტისექტორული, რომ თავისუფლად გამოთქვამს ყველა თავის მოსაზრებებს. საკმაოდ გამოცდილება მაქვს, სამეცნიერო, საექიმო, პედაგოგიური და ჩემს გამოცდილებას ვუზიარებ. ეს ამირან გამყრელიძის, ერთი ჩვეულებრივი ექიმის მოსაზრებაა, რომელსაც სერიოზული თანამდებობა უკავია", - აღნიშნავს გამყრელიძე.