შვილიშვილის გაუპატიურებაში ბრალდებული ბაბუის ადვოკატის განცხადებით, პროკურატურამ არასრულწლოვნისთვის ფსიქოლოგიური ექსპერტიზის დანიშვნაზე უარი განაცხადა

შვილიშვილის გაუპატიურებაში ბრალდებული ბაბუის ადვოკატის, ზურაბ თოდუას განცხადებით, პროკურატურამ არასრულწლოვნისთვის ფსიქოლოგიური ექსპერტიზის დანიშვნაზე უარი განაცხადა. აღნიშნულის შესახებ ზურაბ თოდუამ „ინტერპერსნიუსს“ განუცხადა.

როგორც ადვოკატი განმარტავს, დღემდე საქმეში არ დევს სამხარაულის ექსპერტიზის ეროვნული ბიუროს საექსპერტო დასკვნა, რომლის მიხედვითაც დასტურდება, რომ ბაბუის მიერ შვილიშვილის გაუპატიურებას ადგილი არ ჰქონია.

„შიდა ქართლის რაიონულმა პროკურატურამ არ დააკმაყოფილა ჩემი შუამდგომლობა არასრულწლოვანი დაზარალებულისთვის ფსიქოლოგიური ექსპერტიზის დანიშვნის მოთხოვნასთან დაკავშირებით. ჩემი კითხვა ასეთი იყო, თუ რამდენად სწორად აღიქვამს და გადმოსცემს დაზარალებული არასრულწლოვანი აღქმულ მოვლენებს. ასევე, დღემდე ბრალდება საქმეში არ დებს სამხარაულის საექსპერტო დასკვნას, რომლითაც დადასტურებულია, რომ არავითარ გაუპატიურებას ადგილი არ ჰქონია. სამხარაულის ბიუროდან გუშინ გამოვითხოვე ინფორმაცია, თუ როდის წაიღო დასკვნა ბრალდებამ ამ უწყებიდან“, - აცხადებს თოდუა.

ცნობისთვის, 13 წლის შვილიშვილის გაუპატიურებაში ბრალებული 53 წლის მამაკაცი სამართალდამცავებმა 12 ოქტომბერს დააკავეს. პროკურატურამ მას ბრალდება საქართველოს სისხლის სამართლის კოდექსის 11 პრიმა, 141-ე მუხლით (ოჯახის წევრის მიმართ ჩადენილი გარყვნილი ქმედება); 11 პრიმა, 138-ე მუხლის მესამე ნაწილის „გ“ ქვეპუნქტით (ოჯახის წევრის მიმართ სექსუალური ხასიათის სხვაგვარი ქმედება, ჩადენილი წინასწარი შეცნობით თოთხმეტის წლის ასაკს მიუღწეველთან); 11 პრიმა, 137-ე მუხლის მესამე ნაწილის „ე“, მეოთხე ნაწილის „გ“ და „დ“ ქვეპუნქტებით (ოჯახის წევრის გაუპატიურება, ჩადენილი წინასწარი შეცნობით არასრულწლოვნის მიმართ, ნდობის გამოყენებით) და 11 პრიმა, 139-ე მუხლის მესამე ნაწილის „ე“ და მეოთხე ნაწილის „ბ“ ქვეპუნქტებით (სექსუალური ხასიათის სხვაგვარი ქმედების იძულება ჩადენილი ოჯახის წევრის და წინასწარი შეცნობით არასრულწლოვნის მიმართ) წარუდგინა, რაც სასჯელის სახედ და ზომად 15-დან 20 წლამდე ან უვადო თავისუფლების აღკვეთას ითვალისწინებს.

ბრალდებულს გორის რაიონულმა სასამართლომ აღკვეთის ღონისძიების სახით პატიმრობა შეუფარდა.

იხილეთ ვიდეო

არმაზ ახვლედიანი - რაც „ნაცმოძრაობაში“ ხდება, „ქართული ოცნების“ წისქვილზე ასხამს წყალს, ამას „ნაცმოძრაობის“  ხელმძღვანელები ვერ ხვდებიან? თუ ვერ ხვდებიან, მაშინ რა უნდათ პოლიტიკაში?
ქართული პრესის მიმოხილვა 08.02.2023
რამაზ საყვარელიძე - საქართველოს რუსეთისკენ მოძრაობის მოტივს ვერ ვხედავ, სამაგიეროდ ვხედავ რუსეთის მოტივს, დაარწმუნოს ყველა, რომ საქართველო მისი ისეთი კარგი მეგობარია, რომ მოსკოვი ფრენებსაც კი აღადგენს
ნათია სონღულაშვილი - ყველა ის გარანტია, რომელსაც სპეციალური საგამოძიებო სამსახური არასათანადო მოპყრობის მსხვერპლს სთავაზობს, გაზრდის მსხვერპლის ნდობას სამსახურისა და თითოეული გამომძიებლის მიმართ
მსოფლიო ჩემპიონატის წინ სილქნეტი სათხილამურო ფედერაციასთან ერთად მედიას შეხვდა
კრედო ბანკსა და ევროპის რეკონსტრუქციისა და განვითარების ბანკს (EBRD) შორის ქართული ბიზნესების მხარდასაჭერად ხელშეკრულება გაფორმდა
„საქართველოს საბანკო ასოციაცია“ განცხადებას ავრცელებს
რეკრუტინგის პირველი ქართული აპლიკაციის - Awork Business App-ის პრეზენტაცია 2 თებერვალს, King David-ში გაიმართა
Apple-ისთვის პროგრამული ენის შესასწავლად BTU IOS LAB-ში საბავშვო კოდინგის კურსი დასრულდა
ბორუსან კატმა კოლეჯ „სპექტრში“ სასწავლო ცენტრი გახსნა