აშშ-სა და ევროპის ქვეყნების სამართალდამცავებმა ე.წ. დარქნეტის (Darknet) ელექტრონული კომერციის საიტების საშუალებით იარაღით, ნარკოტიკებითა და სხვა უკანონო საქონლით მოვაჭრეების წინააღმდეგ განხორციელებული ოპერაციის ფარგლებში 150-ზე მეტი ადამიანი დააკავეს,- ინფორმაციას ნიდერლანდური მედია „ევროპოლზე“ დაყრდნობით ავრცელებს.

მათივე ინფორმაციით, ამოღებულია 26.7 მილიონი ევროს ოდენობის ნაღდი ფული და კრიპტოვალუტა და 234 კილოგრამი ნარკოტიკი.

დაკავებულია აშშ-ის 65, გერმანიის 47 და ბრიტანეთის 24 მოქალაქე, ასევე ნიდერლანდების, საფრანგეთის, შვეიცარიისა და ბულგარეთის მოქალაქეები. ე.წ. დარქნეტის ბაზრები არის ელექტრონული კომერციის საიტები, რომლებიც შექმნილია ჩვეულებრივი საძიებო სისტემების მიღმა. ისინი პოპულარობით სარგებლობენ კრიმინალებში, რადგან მყიდველებისა და გამყიდველების მიკვლევა, უმეტესწილად, შეუძლებელია.