"ვოლვო ქარ საქართველო’’ მომხმარებელს ავტომობილების ონლაინ გაყიდვას სთავაზობს

ინოვაციებით და მაღალი ხარისხით გამორჩეული პრემიუმ ბრენდი ,,ვოლვო ქარ საქართველო’’ პირველი კომპანიაა ქართულ საავტომობილო ბაზარზე, რომელიც მომხმარებელს ავტომობილების ონლაინ გაყიდვებს სთავაზობს.

როგორც „ინტერპრესნიუსს“ „თეგეტა მოტორსიდან“ აცნობეს, სასურველი მოდელის შერჩევა სახლიდან გაუსვლელად, თქვენთვის კომფორტულ გარემოსა და დროის მონაკვეთში შეგიძლიათ.

"ვოლვო ქარ საქართველოს“ ვირტუალურ შოურუმში მოსახვედრად რამდენიმე წამია საჭირო, სადაც ავტომობილებს დეტალურად დაათვალიერებთ. უბრალოდ კი არ ნახავთ, არამედ 360 გრადუსიანი სისტემით შეაფასებთ.

„ვოლვოს“ ონლაინ მაღაზიაში შვედური ავტომწარმოებლის SUV, სედანების და უნივერსალების სრული ხაზია წარმოდგენილი.

"ვოლვო ქარ საქართველოს“ ონლაინ მაღაზიაში მოდელის შერჩევა პირველი ეტაპია, რასაც ტესტ დრაივი მოჰყვება. ამისთვის, ამავე მისამართზე, ისევ დისტანციურად გაივლით რეგისტრაციას ტესტისთვის. შემდეგ კი თავისი მზრუნველი კონცეფციით გამორჩეული ბრენდის, ეკო-მეგობრული ავტომობილი შეგიძლიათ პირადად გამოსცადოთ. მარტივია ანგარიშსწორებაც, - ონლაინ მაღაზიაში Volvocar.ge გადახდა ნებისმიერი ბანკის ბარათით არის შესაძლებელი.

"ვოლვო ქარ საქართველო“ მუდმივად ფეხს უწყობს თანამედროვე მოთხოვნებს. დისტანციური გაყიდვები კი მსოფლიო საავტომობილო ბაზარზე სულ უფრო აქტუალური ხდება. ამას დაემატა პანდემია, რამაც ახალი საჭიროებები გააჩინა. დაგვიანების უფლება არც ჩვენ გვქონდა. შედეგად გაჩნდა ვოლვოს ონლაინ მაღაზია, რომელიც ახალი და ვფიქრობთ, თამამი ნაბიჯია ქართულ რეალობაში. ვცდილობთ, არ გადავუხვიოთ არჩეულ გზას და მომხმარებელს დროულად შევთავაზოთ მის უსაფრთხოებასა და კომფორტზე მორგებული სერვისებიც და ცხადია, ავტომობილი», - განაცხადა "ვოლვო ქარ კავკასიის“ დირექტორმა გაგა კოხრეიძემ.

„თეგეტა მოტორსის“ ინფორმაციით, კომპანიამ გაითვალისწინა ყველაფერი, რაც შეიძლება მნიშვნელოვანი იყოს „ვოლვოს“ მომხმარებლისთვის - შეგიძლიათ ავტომობილის კონფიგურატორში მანქანა თქვენი გემოვნებით ააწყოთ, რომლის ჩამოყვანასაც "ვოლვო ქარ საქართველო“ უზრუნველყოფს.

„თეგეტა ჰოლდინგში“ შემავალი კომპანია “ვოლვო ქარ საქართველო“ 2019 წლიდან ოპერირებს საქართველოს ბაზარზე. ამიერკავკასიისა და შუა აზიის მასშტაბით კომპანია პრემიუმ კლასის ავტომობილების ექსკლუზიური დილერია.

ფარხად მამედოვი - აზერბაიჯან-სომხეთის მოლაპარაკებები შეიძლება შედგეს თბილისში, მაგრამ იმ შემთხვევაში, თუ ძირითადი მოდერატორი ამერიკა იქნება და არა ევროკავშირი
ქართული პრესის მიმოხილვა 26.01.2023
ჯეიმი ფლაი - უკრაინელებმა მთელი მსოფლიო დაარწმუნეს, რომ მზად არიან დაიცვან თავის ქვეყანა, მიუხედავად საშინელი საფრთხისა, რომლის წინაშეც იდგა უკრაინის ბევრი ოფიციალური პირი და უკრაინელი ხალხი
წიგნი, რომელიც ხელოვნური ინტელექტის მიერ დაიწერა BTU-ში წარადგინეს
SWEFLAND Group ონკოლოგიური დაავადებების მქონე ბავშვებისთვის - ურთიერთშეთანხმების მემორანდუმი სოლიდარობის ფონდთან
IDS ბორჯომსა და საქართველოს სათხილამურო ფედერაციას შორის პარტნიორობის მემორანდუმი გაფორმდა