ამაზე განმარტებას, ალბათ, შსს გააკეთებს, - ამის შესახებ „ქართული ოცნების“ წევრმა შალვა პაპუაშვილმა პარტიის ოფისში გამართულ ბრიფინგზე განაცხადა, რითაც საქართველოში მიხეილ სააკაშვილის უკრაინელი ადვოკატის იმ განცხადებას გამოეხმაურა, რომლის თანახმადაც ის საქართველოში არ შემოუშვეს.

შალვა პაპუაშვილის თქმით, მიხეილ სააკაშვილს რამდენიმე ადვოკატი ემსახურება, ამიტომ მისი უფლებების დაცვის კუთხით არანაირი პრობლემა არ არის. „ისევე, როგორც მის ჯანმრთელობასთან დაკავშირებით, არანაირი შეზღუდვა უფლების დაცვის კუთხით თუ სხვანაირად მისთვის არ არსებობს“, - განაცხადა პაპუაშვილმა.

მან ასევე მიმართა ერთ-ერთ ჟურნალისტს და აღნიშნა, რომ სიტყვა „ადვოკატს“ სწორედ ის ინტერპრეტირებს.

„ადვოკატი სპეციფიური მომენტია, რაც ნიშნავს იმას, რომ ის უნდა იყოს საქმეში წარმოდგენილი როგორც ადვოკატი. არ ვიცი ეს ადამიანი ვინ არის. სავარაუდოდ, ის არის იურისტი, მაგრამ ადვოკატობა ცოტა სხვა რამე არის. ამასთან დაკავშირებით, შსს განმარტებას გააკეთებს. მე ვერ გეტყვით, ეს არ არის ჩემი კომპეტენცია“,- აღნიშნა პაპუაშვილმა.

ცნობისთვის, მიხეილ სააკაშვილის უკრაინელმა ადვოკატმა, ევგენი გრუშოვეცმა განაცხადა, რომ საქართველოში შესვლაზე ყველანაირი ახსნა-განმარტების გარეშე უარი უთხრეს და უკრაინაში გააბრუნეს.