ეს არის დღე, როცა საქართველოს მოსახლეობის აბსოლუტური უმრავლესობა ერთიანია - ქართველი ხალხის მიზნებთან და საჭიროებებთან ყველაზე ახლოს “ქართული ოცნებაა“, - ამის შესახებ ჟურნალისტებს საპარლამენტო უმრავლესობის წევრმა ალუდა ღუდუშაურმა განუცხადა.

როგორც ღუდუშაურმა აღნიშნა, “ქართული ოცნება“ აქტიურ საარჩევნო კამპანიას აწარმოებდა და დღევანდელი აქცია ამ კამპანიის კულმინაციაა.

“ქართული ოცნება“ ქართველ ხალხს ერთად კიდევ ერთხელ გააცნობს გეგმებს, ამოცანებს, რაშიც ხალხთან ერთად, ერთიანები ვართ“, - განაცხადა ღუდუშაურმა.