ლონდა თოლორაია საქართველოში ამერიკის შეერთებული შტატების საელჩოს გამოძიების ფედერალური ბიუროს (FBI) ატაშეს შეხვდა

სახელმწიფო ინსპექტორი ლონდა თოლორაია საქართველოში ამერიკის შეერთებული შტატების საელჩოს გამოძიების ფედერალური ბიუროს ატაშეს სამართლებრივ საკითხებში, ჰეზერ ე. ბერგს შეხვდა.

სახელმწიფო ინსპექტორის სამსახურის ინფორმაციით, შეხვედრას სამსახურისა და აშშ-ს საელჩოს სხვა წარმომადგენლებიც ესწრებოდნენ. შეხვედრის მიზანი სახელმწიფო ინსპექტორის სამსახურის საქმიანობის, სამსახურის წინაშე არსებული გამოწვევებისა და საჭიროებების, ასევე, სამომავლო თანამშრომლობის შესაძლებლობების განხილვა იყო.

ლონდა თოლორაიამ გამოძიების ფედერალური ბიუროს (FBI) ატაშეს სახელმწიფო ინსპექტორის სამსახურის ფუნქციები და სამოხელეო დანაშაულების გამოძიების პროცესში არსებული საკანონმდებლო და პრაქტიკული გამოწვევები გააცნო, ასევე იმ ფაქტორებზეც ისაუბრა, რომლებიც გამოძიების ეფექტიან წარმართვას უშლის ხელს. მხარეებმა განიხილეს სახელმწიფო ინსპექტორის სამსახურთან სხვა საჯარო უწყებებისა და სამართალდამცავი ორგანოების თანამშრომლობის საკითხი, საპროკურორო და საგამოძიებო ფუნქციების გამიჯვნის აუცილებლობა და სახელმწიფო ინსპექტორის სამსახურის მიერ მომზადებული საკანონმდებლო წინადადება, რომელიც სამოხელეო დანაშაულების გამოძიების ეფექტიანობის გაზრდას ისახავს მიზნად. სახელმწიფო ინსპექტორმა განსაკუთრებული ყურადღება გაამახვილა საერთაშორისო პარტნიორების, მათ შორის, ამერიკის შეერთებული შტატების საელჩოს მიერ სამსახურის ინსტიტუციური გაძლიერების მხარდაჭერის მნიშვნელობაზე.

თავის მხრივ, ჰეზერ ე. ბერგი დაინტერესდა სახელმწიფო ინსპექტორის სამსახურის დამოუკიდებლობის ხარისხით და ამ მიმართულებით სამსახურის გაძლიერების მიზნით დაგეგმილი აქტივობებით. მან გამოხატა მზაობა, ჩაერთოს სახელმწიფო ინსპექტორის სამსახურის ეფექტიანობის გაზრდის მიზნით შემუშავებული საკანონმდებლო წინადადების დახვეწის პროცესში. ასევე, სამსახურს აღუთქვა მხარდაჭერა გამოძიების ფედერალურ ბიუროსთან (FBI) თანამშრომლობის გაღრმავებისა და სამსახურის გამომძიებელთა შესაძლებლობების გაძლიერების პროცესში, მათ შორის, სტანდარტული პროცედურებისა (სოპ) და სახელმძღვანელო დოკუმენტების შემუშავების გზით.

შეხვედრის ფარგლებში, მხარეები აქტიური სამომავლო თანამშრომლობაზე შეთანხმდნენ”,- აღნიშნულია გავრცელებულ ინფორმაციაში.

რამაზ საყვარელიძე - საქართველოს რუსეთისკენ მოძრაობის მოტივს ვერ ვხედავ, სამაგიეროდ ვხედავ რუსეთის მოტივს, დაარწმუნოს ყველა, რომ საქართველო მისი ისეთი კარგი მეგობარია, რომ მოსკოვი ფრენებსაც კი აღადგენს
ნათია სონღულაშვილი - ყველა ის გარანტია, რომელსაც სპეციალური საგამოძიებო სამსახური არასათანადო მოპყრობის მსხვერპლს სთავაზობს, გაზრდის მსხვერპლის ნდობას სამსახურისა და თითოეული გამომძიებლის მიმართ
ქართული პრესის მიმოხილვა 06.02.2023
თეონა ლავრელაშვილი - ევროკავშირის ანგარიში თვითკმაყოფილებად არ უნდა ვაქციოთ, მთავარი „საშინაო დავალება“ არის ევროკავშირის 12 რეკომენდაციის მაქსიმალურად შესრულება
მსოფლიო ჩემპიონატის წინ სილქნეტი სათხილამურო ფედერაციასთან ერთად მედიას შეხვდა
კრედო ბანკსა და ევროპის რეკონსტრუქციისა და განვითარების ბანკს (EBRD) შორის ქართული ბიზნესების მხარდასაჭერად ხელშეკრულება გაფორმდა
„საქართველოს საბანკო ასოციაცია“ განცხადებას ავრცელებს
რეკრუტინგის პირველი ქართული აპლიკაციის - Awork Business App-ის პრეზენტაცია 2 თებერვალს, King David-ში გაიმართა
Apple-ისთვის პროგრამული ენის შესასწავლად BTU IOS LAB-ში საბავშვო კოდინგის კურსი დასრულდა
ბორუსან კატმა კოლეჯ „სპექტრში“ სასწავლო ცენტრი გახსნა