საქართველოს მესამე პრეზიდენტი ძალიან მძიმე, გაუსაძლის მდგომარეობაში იმყოფება, რაშიც ხელისუფლებამ ჩააყენა, - ამის შესახებ მიხეილ სააკაშვილის მოსანახულებლად რუსთავის ციხეში მისულმა ოპოზიციონერმა დეპუტატმა, როსტომ ჩხეიძემ განაცხადა.

როგორც მან აღნიშნა, ადამიანური მოვალეობაა, რომ პატიმრობაში მყოფ სააკაშვილს უთანაგრძნოს.

„მეც მინდა ვუთანაგრძნო, ვანუგეშო და გავამხნევო კიდეც. მინდა ვუთხრა, რომ ესეც ჩაივლის. ჩვენ ვდგავართ გარდაუვალი ცვლილებების წინაშე. ეს აუცილებლად მოხდება, რაც მალე, მით უკეთესი, მაგრამ ეს არ მოხდება მიხეილ სააკაშვილისგან გადმოდებული მუხტის გარეშე.

დიდი იმედი მაქვს, რომ 2 დღეში ეს აღსრულდება და თითოეულ ჩვენგანს გვეცოდინება, რომ საქართველოს ბედი მისი მოსახლეობის ხელშია", - განაცხადა როსტომ ჩხეიძემ.