ნათია თურნავამ სასტუმრო „რამადას“ გახსნით ღონისძიებაში მიიღო მონაწილეობა

ეკონომიკისა და მდგრადი განვითარების მინისტრმა ნათია თურნავამ თბილისში, სასტუმრო „რამადას“ გახსნით ღონისძიებაში მიიღო მონაწილეობა. ამის შესახებ ინფორმაციას ეკონომიკისა და მდგრადი განვითარების სამინისტრო ავრცელებს.

მათივე ინფორმაციით, სასტუმრო სრულად ქართული ინვესტიციით აშენდა. მის ასაშენებლად 27 მილიონი ლარის ინვესტიცია განხორციელდა.

სასტუმრო მსოფლიო ცნობილი ბრენდის Ramada by Wyndham-ის ბრენდის ქვეშ იფუნქციონირებს.

ნათია თურნავას განცხადებით, პანდემიის მიუხედევად, ტურიზმის სექტორის აღდგენა იძლევა იმის საშუალებას, რომ მსხვილი ინვესტიციები განხორციელდეს სასტუმრო სექტორში და ახალმა სასტუმროებმა დაიწყონ ოპერირება.

„ძველ თბილისში კიდევ ერთი ახალი სასტუმრო იწყებს ოპერირებას, რომელიც რამადას საერთაშორისო ბრენდის ქვეშ არის წარმოდგენილი. ჩვენთვის ძალიან მნიშვნელოვანია, რომ ეს არის სრულიად ქართული, საკმაოდ მსხვილი ინვესტიცია. სასტუმროში წარმოდგენილია 108 ნომერი, სარესტორნე ინფრასტრუქტურა, სპა. მნიშვნელოვანია, რომ 140-მდე ადამიანია დასაქმებული. ასევე აღსანიშნავია, რომ პანდემიის მიუხედავად, ტურიზმის სექტორის აღდგენა იძლევა იმის საშუალებას, რომ მსხვილი ინვესტიციები განხორციელდეს სასტუმრო სექტორში. დარწმუნებული ვარ, რომ ეს სასტუმრო ძალიან სრაფად დაიტვირთება და მოემსახურება ჩვენი ქვეყნის სტუმრებს“, - აღნიშნა ნათია თურნავამ.

ზურაბ ბატიაშვილი - დასავლეთში მიღებულია გადაწყვეტილება, რომ ამ ომში უკრაინამ უნდა გაიმარჯვოს და ეს 2023 წელს მოხდება
ქართული პრესის მიმოხილვა 26.01.2023
ფარხად მამედოვი - აზერბაიჯან-სომხეთის მოლაპარაკებები შეიძლება შედგეს თბილისში, მაგრამ იმ შემთხვევაში, თუ ძირითადი მოდერატორი ამერიკა იქნება და არა ევროკავშირი
ხელოვნური ინტელექტი და სწავლების მეთოდები - BTU მასშტაბურ კვლევას იწყებს
ქართული ბიზნესკომპანიები უკრაინის მხარდაჭერას განაგრძობენ
Glovo და TNET საქართველოში ახალ ტექნოლოგიურ რეალობას ქმნიან
ხელოვნური ინტელექტის ინოვაციური პროდუქტის ChatGPT-ს შესახებ BTU-ში დისკუსია გაიმართა
Wolt საქართველოს მომხმარებელთა მხარდაჭერის გუნდი მალე გერმანიასაც მოემსახურება
“ლიბერთი” განათლების ხელშეწყობას აგრძელებს
წიგნი, რომელიც ხელოვნური ინტელექტის მიერ დაიწერა BTU-ში წარადგინეს