გია ვოლსკი - შიმშილობას არ ჰგავს სააკაშვილის აქტივობები, გამოსვლები, ფანჯარაზე შეხტომები - კარგად გამოიყურება

ფაქტია, რომ მიხეილ სააკაშვილი ციხეში გარკვეულ პრივილეგირებულ მდგომარეობაში იმყოფება, თუმცა ფაქტი არ არის, რომ რეალურად შიმშილობს - კარგად გამოიყურება!, - ეს განცხადება ჟურნალისტებთან პარლამენტის პირველმა ვიცე-სპიკერმა გია ვოლსკიმ გააკეთა.

როგორც ვოლსკიმ ამ კონტექსტში აღნიშნა, "შიმშილობას არ ჰგავს სააკაშვილის აქტივობები, გამოსვლები, ფანჯარაზე შეხტომები".

მისივე თქმით, მიხეილ სააკაშვილის ჯანმრთელობასა და სიცოცხლეს არაფერი ემუქრება და გაცილებით მეტი უფლებით სარგებლობს, ვიდრე სხვა პატიმრებს გააჩნიათ.

"სახეზეა ვითარების გამწვავების მცდელობა. ვინ დაუშვებს იმას, რომ ნებისმიერ პატიმარს, მით უმეტეს სააკაშვილს, რაიმე ისეთი მოუვიდეს, რომ მისი ჯანმრთელობის დაზიანება მთელი მსოფლიოსთვის სალაპარაკო გახდეს?! გარდა ამისა, ეს ხელისუფლების და იმ სტრუქტურის ხელწერა არ არის, სადაც მიხეილ სააკაშვილი იმყოფება. სააკაშვილს არავინ არ აწამებს და გასაუპატიურებლად ყავარჯნებით არავინ არ მიადგება. თუკი მის ჯანმრთელობას რაიმე დაემუქრა, მე-18 დაწესებულებაში თუ სხვაგან შესაბამისი დახმარება გაეწევა. ფაქტია, რომ 100-ზე მეტი მნახველი ჰყავდა, მისი ადვოკატები მასთან 60-ჯერ შევიდნენ. ფაქტია, რომ გარკვეულ პრივილეგირებულ მდგომარეობაში იმყოფება, თუმცა ფაქტი არ არის, რომ რეალურად შიმშილობს - კარგად გამოიყურება!

როდესაც ადამიანი შიმშილობს, ის შიმშილობის მიზეზს უნდა აცხადებდეს. მახსოვს ახალგაზრდა, რომელიც ციხეში შიმშილობდა იმის გამო, რომ ხერხემალი დაუზიანეს, ფიზიკური საშუალება არ ჰქონდა, მოთხოვნების დასაკმაყოფილებლად ტუალეტში გასულიყო და არ უნდოდა თავისი სერიოზული პრობლემით თანამესაკნეები შეეწუხებინა. შიმშილობდა, რათა ბუნებრივი მოთხოვნილებები არ გასჩენოდა. ეს ის ციხე იყო, სადაც რეჟიმი სააკაშვილმა ჩამოაყალიბა", - განუცხადა ჟურნალისტებს გია ვოლსკიმ.

მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
ქართული პრესის მიმოხილვა 29.11.2021
ალექსანდრე თვალჭრელიძე - ხელისუფლებისადმი ნდობა დამოკიდებულია არა იმაზე, თუ რა პროგრამებს აანონსებს, არამედ იმაზე, თუ როგორ ასრულებს გაცემულ დაპირებებს
ბიძინა ლებანიძე - საქართველომ და უკრაინამ გერმანიასთან მიმართებაში ფუჭი მოლოდინი არ უნდა შეიქმნას, გერმანია სამხედრო თვალსაზრისით არ ჩაერთვება არც ერთ სამეზობლო კონფლიქტში
განსაკუთრებული ტექ-ინვესტორი საქართველოში - GAABU-ს ახალი წევრი და ტექნოლოგია, რომელიც ცვლის ტელეკომუნიკაციის სამყაროს მომავალს
სილქფესტი ფასდაკლების დღეებს უერთდება - გაეცანით სილქნეტის მთავარ შეთავაზებებს
ზეთისხილის საერთაშორისო საბჭოს 114-ე სესია, რომელიც საქართველოში მიმდინარეობდა, დასრულდა
პროგრამა ბალანსი ბიზნესისთვის - როგორია ფინანსების აღრიცხვისა და ავტომატიზაციის თანამედროვე სტანდარტი?
XXI საუკუნის ხელნაწერ „ვეფხისტყაოსანზე“ 18-წლიანი მუშაობა დასრულდა - რა უნდა იცოდეთ ახალ, უნიკალურ გამოცემაზე
საინფორმაციო პორტალი 08.GE - ყველა კითხვაზე პასუხი ერთ სივრცეში
საქართველო ზეთისხილის საერთაშორისო დღეს უმასპინძლებს, რომელიც იუნესკოს ეგიდით ტარდება