ადვოკატი - პენიტენციური სამსახური კონფიდენციალურობას არ იცავს - სააკაშვილთან რასაც ვლაპარაკობთ, მეორე დღეს გამოდის ღარიბაშვილი და ქვეყნის გასაგონად ლაპარაკობს

პენიტენციური სამსახური ადვოკატის და კლიენტის ურთიერთობის კონფიდენციალურობას არ იცავს - მიხეილ სააკაშვილთან რასაც ვლაპარაკობთ ერთ დღეს, მეორე დღეს გამოდის ღარიბაშვილი, მოაღებს პირს და მთელი ქვეყნის გასაგონად ლაპარაკობს, - ამის შესახებ ყოფილი პრეზიდენტის მიხეილ სააკაშვილის ადვოკატმა ბექა ბასილაიამ რუსთავის მე-12 დაწესებულებასთან განაცხადა.

მისი თქმით, პენიტენციური სამსახურის ამოცანაა მიხეილ სააკაშვილის და ადვოკატების შეხვედრები ყველასთვის სმენადი და ხილვადი იყოს.

„პენიტენციურმა სამსახურმა უკვე არაერთგზის დაარღვია მიხეილ სააკაშვილის ფუნდამენტური უფლებები, როგორც სამედიცინო თვალსაზრისით, ასევე კომუნკაციის ფარულობის თვალსაზრისით. მიხეილ სააკაშვილთან რასაც ვლაპარაკობთ ერთ დღეს, მეორე დღეს გამოდის ღარიბაშვილი, მოაღებს პირს და მთელი ქვეყნის გასაგონად ლაპარაკობს.

როგორც იცით, ჩვენ გვაქვს აბსოლუტური რწმუნება იმის, რომ იქ დამონტაჟებულ „შტეფცელებში“ არის მოსასმენი აპარატურა, შესაბამისად, ჩვენ მაქსიმალურად ვცდილობთ ისე ვიკონტაქტოთ მიხეილ სააკაშვილთან, რომ მათთვის აღქმადი და გასაგები არ იყოს საადვოკატო საიდუმლოების ნაწილი. რიგ შემთხვევაში ჩვენ ფურცელზე ვწერთ გარკვეულ ტექსტს ისე, რომ კამერების თვალთახედვაში არ მოხვდეს და ვახდენთ ამ ტექსტის გადაწოდებას მიხეილ სააკაშვილისთვის. ახლა ადგნენ და გააბეს ბადე ეს რომ ვერ მოვახერხოთ. ეს ნიშნავს ერთადერთს - ადვოკატის და კლიენტის ურთიერთობის კონფიდენციალურობას არ იცავს პენიტენციური სამსახური და მათი ამოცანაა, რომ ჩვენი მიხეილ სააკაშვილთან შეხვედრა ყველასთვის სმენადი და ხილვადი იყოს.

სწრაფი ტესტის აღებით ვხვდებოდით ნახევრად გატიხრულ ოთახში, არასდროს არ უთქვამთ, რომ თუ "პისიარ" ტესტით არ მოვიდოდით, მაშინ ამ გატიხრულ ოთახს ბადით შეავსებდნენ. ამასთან, მნიშვნელოვანია, რომ რამდენიმე დღის წინ მათ დაიწყეს ჩვენს მიერ შეტანილი და უკან გამოტანილი ტექსტების შემოწმება, რაზეც ჩვენ განვაცხადეთ პროტესტი და შემდეგ უზრუნველვყავით, რომ კამერის თვალთახედვის არეში არ მომხვდარიყო ნაწერი ტექსტი და ამის პასუხი იყო სწორედ ამ ბადის გაბმა“, - განაცხადა ბასილაიამ.

იოსებ ბარათაშვილი - მოვლენები მიმდინარეობს არა ხელისუფლების, არამედ მიხეილ სააკაშვილის სცენარით
ქართული პრესის მიმოხილვა 29.11.2021
მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
„კარფურისა“ და „FinExCoop“ მიერ ორგანიზებული „კარტოფილის ფესტივალი“ - ადგილობრივი ფერმერების მხარდასაჭერად
განსაკუთრებული ტექ-ინვესტორი საქართველოში - GAABU-ს ახალი წევრი და ტექნოლოგია, რომელიც ცვლის ტელეკომუნიკაციის სამყაროს მომავალს