არის კი ეს კონკრეტული ადამიანი მსხვერპლზე წამსვლელი?! - დარწმუნებული ვარ, რომ არის! - ამის შესახებ პარლამენტის პირველმა ვიცე-სპიკერმა გია ვოლსკიმ მიხეილ სააკაშვილის საქართველოში ჩამოსვლის მიზანზე საუბრისას განაცხადა.
ვოლსკის აზრით, „კითხვის ნიშანს არ ტოვებს გარემოება, რაც მიხეილ სააკაშვილის საქართველოში ჩამოსვლასთან დაკავშირებით შეიქმნა".
„ჩამოსვლის მიზანი, რასაკვირველია, დაპირისპირების ორგანიზება იყო - ამას სხვა ალტერნატივა, სხვა განმარტება არ გააჩნია. დაპირისპირებას აუცილებლად თან მოსდევს მსხვერპლი. საერთოდ, მიხეილ სააკაშვილისთვის და მისი პოლიტიკური ძალისთვის მსხვერპლი, ადამიანის მოკვდინება ჩვეულებრივი ამბავია, რასაც გარკვეული პერიოდის განმავლობაში ვეგუებოდით. ახლა ამ ბოროტების დაბრუნების რესურსი და ძალა არ გააჩნიათ, მაგრამ ყველა შემთხვევაში დესტაბილიზაცია, დაპირისპირება, აჯანყების ორგანიზება, რაზეც ინტენსიურად საუბრობდნენ, მსხვერპლს განაპირობებს", - განაცხადა გია ვოლსკიმ.