ზაალ უდუმაშვილი - ოპოზიცია რევოლუციისთვის კი არა, არჩევნების გზით ხელისუფლების შეცვლისთვის ემზადება

ღიმილისმომგვრელია ყოველი არჩევნების წინ განცხადებები, რომ ოპოზიცია ემზადება რევოლუციისთვის - უკვე გავიარეთ რამდენი არჩევნები და ვნახეთ, რომ ოპოზიცია რევოლუციისთვის კი არ ემზადება, ემზადება არჩევნების გზით ხელისუფლების შეცვლისთვის, - ამის შესახებ „ნაციონალური მოძრაობის" დეპუტატმა ზაალ უდუმაშვილმა განაცხადა, რითაც მიხეილ სააკაშვილის და ოპოზიციის რევოლუციურ გეგმებზე ირაკლი ღარიბაშვილის განცხადებას გამოეხმაურა.

უდუმაშვილის თქმით, მათი გეგმა არის ხვალინდელ არჩევნებში გამარჯვება და შემდეგ ხელისუფლების ცვლილება ვადამდელი არჩევნებით.

„რეალურად რომ რაღაც ჰქონდეთ, წარმოიდგინეთ რამხელა სისხლის სამართლის საქმეები აღიძვრებოდა, იქნებოდა დაკითხვები და ა.შ. უკვე ღიმილისმომგვრელია ყოველი არჩევნების წინ, რომ ოპოზიცია ემზადება რევოლუციისთვის. უკვე გავიარეთ რამდენი არჩევნები ყველამ ერთად და ვნახეთ, რომ ოპოზიცია რევოლუციისთვის კი არ ემზადება, ემზადება არჩევნების გზით ხელისუფლების შეცვლისთვის. ეს ჩვენ დავამტკიცეთ არაერთხელ და ახლა დავამტკიცებთ რეალურად, როცა გამოცხადდება არჩევნების შედეგები. ჩვენ 20- ვე მუნიციპალიტეტში ველოდებით გამარჯვებას, ყველა ის გაყალბება, რომელიც ვნახეთ 2 ოქტომბრის არჩევნებზე, თუნდაც, გასული წლების არჩევნებზე, ისევ ძალაშია და „ქართული ოცნება" ისევ არ იტყვის უარს ამ მექანიზმებზე და გაათმაგებულად შეეცდება მიიტაცოს არჩევნები. მაგრამ ჩვენ მაქსიმალურად მობილიზებულები ვიქნებით ყველა მუნიციპალიტეტში, სადაც მეორე ტური მიმდინარეობს, ძალიან ბევრი ხალხი იქნება უშუალოდ საარჩევნო უბნებთან, რომლებიც დაიცავენ ჩვენი ხალხის ხმებს. ერთადერთი და ყველაზე კარგი ეფექტი გაყალბების წინააღმდეგ არის ის, რომ უნდა ვიყოთ აქტიურები, მივიღოთ მონაწილეობა არჩევნებში",- განაცხადა უდუმაშვილმა.

ზურაბ ბატიაშვილი - დასავლეთში მიღებულია გადაწყვეტილება, რომ ამ ომში უკრაინამ უნდა გაიმარჯვოს და ეს 2023 წელს მოხდება
ქართული პრესის მიმოხილვა 26.01.2023
ფარხად მამედოვი - აზერბაიჯან-სომხეთის მოლაპარაკებები შეიძლება შედგეს თბილისში, მაგრამ იმ შემთხვევაში, თუ ძირითადი მოდერატორი ამერიკა იქნება და არა ევროკავშირი
ხელოვნური ინტელექტი და სწავლების მეთოდები - BTU მასშტაბურ კვლევას იწყებს
ქართული ბიზნესკომპანიები უკრაინის მხარდაჭერას განაგრძობენ
Glovo და TNET საქართველოში ახალ ტექნოლოგიურ რეალობას ქმნიან
ხელოვნური ინტელექტის ინოვაციური პროდუქტის ChatGPT-ს შესახებ BTU-ში დისკუსია გაიმართა
Wolt საქართველოს მომხმარებელთა მხარდაჭერის გუნდი მალე გერმანიასაც მოემსახურება
“ლიბერთი” განათლების ხელშეწყობას აგრძელებს
წიგნი, რომელიც ხელოვნური ინტელექტის მიერ დაიწერა BTU-ში წარადგინეს