ნათია თურნავამ „რუსთავის აზოტის“ თანამშრომლებს მადლობა გადაუხადა კოვიდ-პანდემიის პერიოდში სამედიცინო ჟანგბადით  საავადმყოფოების მომარაგებისთვის

ეკონომიკისა და მდგრადი განვითარების მინისტრი დღეს სს „რუსთავის აზოტს“ ესტუმრა. საწარმოში ვიზიტის ფარგლებში ნათია თურნავა საწარმოს თანამშრომლებს შეხვდა და გაესაუბრა,

მინისტრმა მათ მადლობა გადაუხადა კოვიდ-პანდემიის პერიოდში გამოჩენილი სამოქალაქო პასუხისმგებლობისთვის.

აღსანიშნავია, რომ „რუსთავის აზოტი“ ერთ-ერთია იმ რამდენიმე საწარმოს შორის, რომლებმაც საქართველოში სამედიცინო ჟანგბადის წარმოება დაიწყეს და ამგვარად უზრუნველყვეს სამედიცინო სექტორი და შესაბამისად, მოსახლეობა დაავადებასთან ბრძოლისას ამ აუცილებელი კომპონენტით. კოვიდ-პანდემიის პერიოდში აქტიური თანამშრომლობისთვის ეკონომიკის მინისტრმა ქარხნის თანამშრომლებს მადლობის სიგელები გადასცა.

„რუსთავის აზოტი“, რომელიც სამხრეთ კავკასიის რეგიონში მინერალური სასუქებისა და ინდუსტრიული ქიმიკატების მწარმოებელი უმსხვილესი საწარმოა, თანამშრომელთა 99 პროცენტი ადგილობრივი მცხოვრებია. როგორც ეკონომიკის მინისტრთან შეხვედრისას აღინიშნა, საწარმოს ადმინისტრაცია აქტიურად მუშაობს დასაქმებულთა სოციალური პირობების გასაუმჯობესებლად. პირველ რიგში, ეს შეეხება სახელფასო ფონდს, რომელიც მიმდინარე წელს საშუალოდ 25 პროცენტით გაიზარდა.

ნათია თურნავამ ქარხნის ერთ-ერთი ცენტრალური გვარჯილის საამქროც დაათვალიერა, სადაც ბოლო პერიოდში ასევე მოხდა გადაიარაღება და შესაბამისად, მნიშვნელოვნად გაუმჯობესდა დასაქმებულთა შრომის პირობები. „დამონტაჟდა ავტომატური ჩამტვირთველი, რომელიც ანაცვლებს მძიმე მექანიკურ შრომას და ადამიანებს აღარ უწევთ დატვირთული ტომრების ზიდვა და ამას აკეთებს ავტომატიკა. მსგავსი გაუმჯობესებები მიმდინარეობს მთელ საწარმოში“, - განაცხადა ეკონომიკის მინისტრმა.

ამასთან, როგორც ნათია თურნავამ ხაზი გაუსვა, მნიშვნელოვანია, რომ საწარმო ეკოლოგიურად სულ უფრო სუფთა ხდება - გერმანიის მთვარობის პროგრამის ფარგლებში მონტაჟდება ახალი ფილტრები, ახალი კატალიზატორები.

„ახალი კატალიზატორები მინიმუმამდე დაიყვანს, პრაქტიკულად, გაანულებს ატმოსფეროში მავნე გაფრქვევას და ეს საწარმო იქნება არამხოლოდ ყველაზე მნიშვნელოვანი ჩვენს ეკონომიკაში - ერთ-ერთი ყველაზე დიდი ექსპორტიორი და შემომტანი ეკონომიკური ზრდის სტატისტიკაში, არამედ ერთ-ერთი ყველაზე ეკო-მეგობრული საწარმოც“, - აღნიშნა ნათია თურნავამ.

ამის შესახებ ინფორმაციას ეკონომიკისა და მდგრადი განვითარების სამინისტრო ავრცელებს.

არმაზ ახვლედიანი - რაც „ნაცმოძრაობაში“ ხდება, „ქართული ოცნების“ წისქვილზე ასხამს წყალს, ამას „ნაცმოძრაობის“  ხელმძღვანელები ვერ ხვდებიან? თუ ვერ ხვდებიან, მაშინ რა უნდათ პოლიტიკაში?
ქართული პრესის მიმოხილვა 08.02.2023
რამაზ საყვარელიძე - საქართველოს რუსეთისკენ მოძრაობის მოტივს ვერ ვხედავ, სამაგიეროდ ვხედავ რუსეთის მოტივს, დაარწმუნოს ყველა, რომ საქართველო მისი ისეთი კარგი მეგობარია, რომ მოსკოვი ფრენებსაც კი აღადგენს
ნათია სონღულაშვილი - ყველა ის გარანტია, რომელსაც სპეციალური საგამოძიებო სამსახური არასათანადო მოპყრობის მსხვერპლს სთავაზობს, გაზრდის მსხვერპლის ნდობას სამსახურისა და თითოეული გამომძიებლის მიმართ
მსოფლიო ჩემპიონატის წინ სილქნეტი სათხილამურო ფედერაციასთან ერთად მედიას შეხვდა
კრედო ბანკსა და ევროპის რეკონსტრუქციისა და განვითარების ბანკს (EBRD) შორის ქართული ბიზნესების მხარდასაჭერად ხელშეკრულება გაფორმდა
„საქართველოს საბანკო ასოციაცია“ განცხადებას ავრცელებს
რეკრუტინგის პირველი ქართული აპლიკაციის - Awork Business App-ის პრეზენტაცია 2 თებერვალს, King David-ში გაიმართა
Apple-ისთვის პროგრამული ენის შესასწავლად BTU IOS LAB-ში საბავშვო კოდინგის კურსი დასრულდა
ბორუსან კატმა კოლეჯ „სპექტრში“ სასწავლო ცენტრი გახსნა