უკრაინელი დეპუტატი - ვითხოვთ, მიხეილ სააკაშვილი უკრაინას გადასცენ, იმიტომ რომ ის უკრაინის მოქალაქეა - ეს მოლაპარაკებები დიპლომატიურ დონეზე ყოველდღე მიმდინარეობს

პირველ რიგში გვსურს ვიხილოთ, რომ უკრაინის მოქალაქე ნორმალურ მდგომარეობაში და პირობებში იმყოფება, - ამის შესახებ უკრაინის რადას დეპუტატმა იულია კლიმენკომ რუსთავის მე-12 პენიტენციურ დაწესებულებაში ექსპრეზიდენტ მიხეილ სააკაშვილთან შესვლამდე განაცხადა.

კითხვაზე, ითხოვენ თუ არა ისინი მიხეილ სააკაშვილის პატიმრობიდან გათავისუფლებას, დეპუტატმა უპასუხა, რომ ისინი ითხოვენ მიხეილ სააკაშვილი უკრაინას გადასცენ, თუმცა ეს არის საკითხი, რომლის განხილვაც დიპლომატებს შორის უნდა მოხდეს.

„ჩვენ ვითხოვთ, რომ მიხეილ სააკაშვილი უკრაინას გადასცენ, იმიტომ რომ ის უკრაინის მოქალაქეა. ამის განხილვას აქ, რა თქმა უნდა, არ დავიწყებთ. ეს არის დიპლომატებს შორის განსახილველი საკითხი.

ჩვენ დღეს აქ იმისთვის ვართ, რომ დავრწმუნდეთ, რომ მიხეილის სიცოცხლე და ჯანმრთელობა კრიტიკულ მგომარეობაში არ არის, რადგან უკრაინაში სრულიად განსხვავებული ინფორმაცია გვაქვს, ძალიან შემაშფოთებელი იმის შესახებ, რომ მას სისხლის გადასხმა გაუკეთეს, რომ ის კრიტიკულ მდგომარეობაშია და ა.შ. ამიტომ ჩვენ ჩამოვედით იმისთვის, რომ მის მიმართ მხარდაჭერა გამოვხატოთ და ასევე დავრწმუნდეთ, რომ ყველაფერი რიგზეა. ჩვენ ვთხოვთ საქართველოს ხელისუფლებას, რომ გადაიყვანონ ის სათანადოდ აღჭურვილ სამედიცინო დაწესებულებაში“, - აღნიშნა კლიმენკომ.

კითხვაზე, მიმდინარეობს თუ არა მოლაპარაკებები სააკაშვილის უკრაინაში დაბრუნებაზე, დეპუტატმა განაცხადა, რომ მოლაპარაკებები დიპლომატიურ დონეზე უწყვეტ რეჟიმში მიმდინარეობს.

„ეს მოლაპარაკებები დიპლომატიურ დონეზე ყოველდღე მიმდინარეობს. ამ პროცესს დროს დასჭირდება, ერთ დღეში ვერ გადაწყდება. როგორც უკრაინის ელჩმა გვაცნობა, რომელსაც ჩვენ შევხვდით, მოლაპარაკებები უწყვეტად მიმდინარეობს“, - აღნიშნა დეპუტატმა.

მისივე თქმით, ამ ეტაპზე უმთავრესი საკითხი არის მიხეილ სააკაშვილის სიცოცხლე და ჯანმრთელობა.

ლევან  შენგელია - საქართველოს შემთხვევაში „სუვერენული დემოკრატია“ საგარეო-პოლიტიკური ორიენტაციის ხასიათსაც ატარებს და ის აშკარად არ არის დასავლეთისკენ მიმართული
ქართული პრესის მიმოხილვა 30.01.2023
გია ხუხაშვილი - „ოცნებამ“ „ნაცმოძრაობის“ თავმჯდომარედ მისთვის ყველაზე კომფორტული პიროვნება მიიღო, ამიტომ იყო, რომ მმართველი გუნდი ხაბეიშვილს გულშემატკივრობდა
კახა ოქრიაშვილი - ჩვენი ეკონომიკა გაიზარდა მხოლოდ შარშან, უკრაინის გაუბედურების ხარჯზე, რადგან საქართველოში ხალხი და ფული რუსეთიდან შემოდის
„ლიბერთი“ მასშტაბური პროექტის „ახალგაზრდული მეწარმეობა სოფლის განვითარებისთვის“ სტრატეგიულ პარტნიორობას აგრძელებს
BTU-მ ხელოვნური ინტელექტის ეროვნული სტრატეგიის შექმნისთვის საჭირო კვლევა დაიწყო
სიახლე - „ლიბერთის“ ბანკომატებში Apple Pay-ს და Google Pay-ს გამოყენებით უკვე შესაძლებელია ნებისმიერი ოპერაციის შესრულება
კახა ოქრიაშვილი - ვულოცავ „ნაციონალურ მოძრაობას“ შიდა დემოკრატიის განვითარების ახალ ეტაპზე გადასვლას, რის შედეგადაც ეს პარტია უკეთესი და უკეთესი ლიდერებით შეივსება“
TNET-ი და USAID-ი ითანამშრომლებენ ელექტრონული კომერციის განვითარებისთვის საქართველოში
CashBack და Mastercard-ის აქცია ქართული ბრენდებისთვის - 60%-მდე ქეშბექი ონლაინ შოპინგისას
EIB Global-სა და კრედო ბანკს შორის მიკრო, მცირე და საშუალო ზომის საწარმოების მხარდასაჭერად 28.8 მილიონი ლარის მოცულობის სასესხო ხელშეკრულება გაფორმდა