შეგვიძლია ამ რეჟიმს და ნებისმიერ მომავალ ხელისუფლებას ვაჩვენოთ ძალა, რომ როდესაც ქვეყნის დამოუკიდებლობას ასე ექცევი, მოქალაქეებს უტიფრად ეუბნები, რომ ძალაუფლების შენარჩუნებისთვის ყველაფერზე წამსვლელი ხარ, მათ ამცირებ და საკუთარ მომხრეებსაც დემონსტრაციულად ფეხებზე იკიდებ, ისინი არჩევნებზე დაგსჯიან,- ამის შესახებ „ევროპული საქართველოს“ თავმჯდომარემ, გიგა ბოკერიამ ჟურნალისტებს არჩევნებზე ხმის მიცემის შემდეგ განუცხადა.

ბოკერიამ საკუთარი პოლიტიკური არჩევანი 51- ე საარჩევნო უბანზე დააფიქსირა და აღნიშნა, რომ ხმა ივანიშვილის რეჟიმის წინააღმდეგ მისცა.

„დღეს შესაძლებლობა გვაქვს, თუ ჩვენს სამოქალაქო ძალას გამოვიყენებთ, ყველა მოქალაქემ, ვისაც სურს, ამ ქვეყნის კატასტროფული კურსი შეტრიალდეს, დაავაახლოვოთ ეს ამოცანა, ასევე დავაახლოვოთ ვადამდელი არჩევნების ამოცანა, ჩვენი ქვეყნის მომავალი ძალიან სახიფათო რეჟიმის მშვიდობიანად ჩამოცილების. დღეს თუ ამას ხელიდან გავუშვებთ, კიდვე უფრო გაიზრდება ის საფრთხე, რომელიც უკვე წლებია ივანიშვილის რეჟიმმა შექმნა ჩვენი საერთო მომავალისთვის, ქვეყნის დამოუკიდებლობისთვის“,- განაცხადა ბოკერიამ.