ბექა დავითულიანი ნიკა მელიას - აქ  ჩვენ ჩხუბისთვის ხომ არ ვართ?! გადავიწიოთ და ვილაპარაკოთ, წაგებული გაქვს არჩევები და ტყუილად ნუ აპირისპირებ ამ ხალხს ერთმანეთს

გადავიწიოთ და ვილაპარაკოთ - წაგებული გაქვს არჩევნები და ტყუილად ნუ აპირისპირებ ამ ხალხს ერთმანეთს, - ასე მიმართა „ქართული ოცნების“ დეპუტატმა ბექა დავითულიანმა „ნაციონალური მოძრაობის“ თავმჯდომარეს და ოპოზიციის ნაწილის მერობის კანდიდატს ნიკა მელიას ვაზისუბნის 62-ე საარჩევნო უბანთან, სადაც მათ შორის სიტყვიერი დაპირისპირება მოხდა.

დავითულიანი მელიას მოუწოდებს, ტერიტორიიდან გავიდნენ და ისე ისაუბრონ.

„აქ ჩვენ ჩხუბისთვის ხომ არ ვართ?! გადავიდეთ. გამოდი, გადავიწიოთ, მხარდამჭერებს ნუ დავუპირისპირებთ ერთმენთს, გადავიწიოთ და ვილაპარაკოთ. წაგებული გაქვს არჩევები და ტყუილად ნუ აპირისპირებ ამ ხალხს ერთამენთს“,- განაცხადა დავითულიანმა.

ვაზისუბნის 62-ე საარჩევნო უბანთან, „ნაციონალური მოძრაობის“ თავმჯდომარე ნიკა მელიასა და „ქართული ოცნების“ წარმომადგენლებს - ბექა დავითულიანსა და გიორგი ამილახვარს შორის სიტყვიერი დაპირისპირება და შეხლა-შემოხლა მოხდა.

აღნიშნულ უბანზე დაპირისპირება მას შემდეგ დაიწყო, რაც შუქი ჩაქრა და ადგილზე ნიკა მელია მივიდა.

დაპირისპირება ამ წუთებში „ნაციონალური მოძრაობისა“ და „ქართული ოცნების“ მხარდამჭერებს შორის გრძელდება.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს