არჩევნების მეორე ტური დასრულდა - საარჩევნო უბნები დაიხურა

საქართველოში თვითმმართველობის არჩევნების მეორე ტური დასრულდა. 20:00 საათზე საარჩევნო უბნები დაიხურა.

არსებული მონაცემებით, საარჩევნო პროცესი უბნების უმრავლეს ნაწილში მშვიდ ვითარებაში წარიმართა, თუმცა რიგ მუნიციპალიტეტში ადგილი ჰქონდა დაპირისპირებას “ქართული ოცნებისა“ და “ნაციონალური მოძრაობის“ მხარდამჭერებს შორის.

დღის ბოლოს სერიოზულად დაიძაბა ვითარება თბილისში, ვაზისუბნის დასახლებაში მდებარე #62-ე უბანთან, სადაც შუქი ჩაქრა. ვითარების გარკვევის მიზნით ადგილზე თბილისის მერობის ოპოზიციონერი კანდიდატი ნიკა მელია მივიდა, რომელსაც “ქართული ოცნების“ ერთ-ერთი აქტივისტი ფიზიკურად შეეხო.

საარჩევნო დარღვევების თაობაზე საუბრობდნენ ოპოზიციის წარმომადგენლები, რომლებმაც მმართველი პარტია საარჩევნო უბნებთან ე.წ. ძველი ბიჭების მობილიზებაში დაადანაშაულეს. საუბარი იყო “საარჩევნო კარუსელის“ გამოყენების მცდელობაზეც.

მმართველი პარტია დარწმუნებულია, რომ არჩევნები წესებისა და პროცედურების დაცვით წარიმართა, ხოლო ოპოზიცია პროვოკაციებით იყო დაკავებული.

დღეს ადგილობრივი თვითმმართველობის არჩევნების მეორე ტური 5 თვითმმართველ ქალაქში, 15 მუნიციპალიტეტსა და 24 საარჩევნო ოლქში გაიმართა. მეორე ტურისთვის 1830 საარჩევნო უბანი იყო გახსნილი. ამომრჩევლებს მოემსახურა გამონაკლის შემთხვევაში შექმნილი 8 უბანი და ასევე 29 სპეციალური უბანი.

პაატა ზაქარეიშვილი - ხელისუფლება თავისი პოლიტიკით საქართველოსა და კავკასიაში  რუსეთის პოზიციებს აძლიერებს
ქართული პრესის მიმოხილვა 02.02.2023
ლევან  შენგელია - საქართველოს შემთხვევაში „სუვერენული დემოკრატია“ საგარეო-პოლიტიკური ორიენტაციის ხასიათსაც ატარებს და ის აშკარად არ არის დასავლეთისკენ მიმართული
Apple-ისთვის პროგრამული ენის შესასწავლად BTU IOS LAB-ში საბავშვო კოდინგის კურსი დასრულდა
ბორუსან კატმა კოლეჯ „სპექტრში“ სასწავლო ცენტრი გახსნა
კახა ოქრიაშვილი NDI-ის კვლევაზე - მოსახლეობის ნახევარი უმუშევარია - აი, ეს არის სიმართლე
ლიბერთი განათლებისთვის - ლიბერთი 2023 წლის ათასწლეულის ინოვაციის კონკურსის ოფიციალური პარტნიორია