გერმანიის ელჩი - ფუნდამენტური დემოკრატიული მოვალეობაა, რომ არჩევნების შედეგები მიღებულ იქნას და დემოკრატიული პროცესის ფარგლებში მუშაობა გაგრძელდეს

ფუნდამენტური დემოკრატიული მოვალეობაა, რომ მიღებულ იქნას არჩევნების შედეგები და მუშაობა გაგრძელდეს დემოკრატიული პროცესის ფარგლებში,- ამის შესახებ საქართველოში გერმანიის ელჩმა ჰუბერტ ქნირშმა ეუთო/ოდირისა და ევროპარლამენტის სადამკვირვებლო მისიების მიერ ადგილობრივი თვითმმართველობის არჩევნების შეფასების წარმოდგენის შემდეგ ჟურნალისტებთან განაცხადა.

მისივე თქმით, ჯერ კიდევ არის გარკვეული სისუსტეები საარჩევნო პროცესში, რაც ცალსახაა, რომ უნდა აღმოიფხვრას და ამ მიმართულებით არსებული ნებისმიერი საჩივარი შესაბამისად უნდა იყოს განხილული.

„საერთაშორისო დამკვირვებლებმა უკვე წარმოადგინეს თავისი შეფასება ადგილობრივ არჩევნებთან დაკავშირებით. მათ წარმოადგინეს ძალიან დეტალური, დიფერენცირებული და დაბალანსებული შეფასება, სადაც მათ დანახული აქვთ როგორც დადებითი მხარეები და გაუმჯობესება, ასევე ხაზგასმულია ჯერ კიდევ არსებული სისუსტეები. ცალსახაა, რომ ეს სისუსტეები უნდა იყოს აღმოფხვრილი და ნებისმიერი საჩივარი უნდა იქნეს განხილული შესაბამისად. ფუნდამენტური დემოკრატიული მოვალეობაა, რომ მიღებულ იქნას არჩევნების შედეგები და მუშაობა გაგრძელდეს დემოკრატიული პროცესის ფარგლებში. ასევე, მინდა მივულოცო ყველას, ვინც აირჩიეს მერის თანამდებობაზე და ასევე საკრებულოში, ვუსურვებ მათ წარმატებას, რათა გააუმჯობესონ და გააძლიერონ ადგილობრივი თვითმმართველობა საქართველოში და მოვუწოდებ საქართველოს ხელისუფლებას, რომ იმუშაოს ყველა მუნიციპალიტეტთან აქტიურად საერთაშირისო პარტნიორების ჩართულობით“,- განაცხადა ჰუბერტ ქნირშმა.

გია ხუხაშვილი - „ოცნებამ“ „ნაცმოძრაობის“ თავმჯდომარედ მისთვის ყველაზე კომფორტული პიროვნება მიიღო, ამიტომ იყო, რომ მმართველი გუნდი ხაბეიშვილს გულშემატკივრობდა
ქართული პრესის მიმოხილვა 30.01.2023
ლაჩინის დერეფნის ბლოკადა
კახა ოქრიაშვილი - ვულოცავ „ნაციონალურ მოძრაობას“ შიდა დემოკრატიის განვითარების ახალ ეტაპზე გადასვლას, რის შედეგადაც ეს პარტია უკეთესი და უკეთესი ლიდერებით შეივსება“
TNET-ი და USAID-ი ითანამშრომლებენ ელექტრონული კომერციის განვითარებისთვის საქართველოში
CashBack და Mastercard-ის აქცია ქართული ბრენდებისთვის - 60%-მდე ქეშბექი ონლაინ შოპინგისას
EIB Global-სა და კრედო ბანკს შორის მიკრო, მცირე და საშუალო ზომის საწარმოების მხარდასაჭერად 28.8 მილიონი ლარის მოცულობის სასესხო ხელშეკრულება გაფორმდა
USA2GEORGIA მომხმარებლის წინაშე სრულ პასუხისმგებლობას იღებს და გამოწვევას უპრეცედენტო ლოიალობით პასუხობს