შალვა პაპუაშვილის შეფასებით, ეუთო/ოდირის და ევროპარლამენტის სადამკვირვებლო მისიების დასკვნა უაღრესად პოზიტიური იყო

„ქართული ოცნების“ ერთ-ერთი ლიდერის შალვა პაპუაშვილის შეფასებით, ეუთო/ოდირის და ევროპარლამენტის სადამკვირვებლო მისიების დასკვნა უაღრესად პოზიტიური იყო.

როგორც მან პარტიის ოფისში გამართულ ბრიფინგზე განმარტა, ყველამ უნდა გააანალიზოს ანგარიშში ასახული დადებითი და უარყოფითი ტენდენციები და სამომავლოდ გაითვალისწინოს.

„რაც შეეხება თვითმმართველობის არჩევნებს და მის მეორე ტურს, მოვისმინეთ შეფასებები, რომ ეს იყო კარგად ადმინისტრირებული და კონკურენტულ გარემოში ჩატარებული არჩევნები, როდესაც კანდიდატებს შეეძლოთ თავისუფლად კამპანიის წარმოება. როდესაც ვნახეთ, რომ თავად ადმინისტრირება იყო ძალიან გამართული. მოვისმინეთ მათ შორის შექების სიტყვები საარჩევნო ადმინისტრაციის და ცესკოს მიმართ, ისევე, როგორც რეფორმირებული კანონმდებლობის მიმართ. ხმის მიცემის პროცესთან და დათვლასთან დაკავშირებით ძალიან პოზიტიური შეფასებები იყო. ასევე პოზიტიურად შეფასდა ის მექანიზმი, რომელიც საარჩევნო რეფორმის შედეგად შემოვიღეთ ხელახალი დათვლის სახით“, -განაცხადა პაპუაშვილმა.

მისი თქმით, დადებითად შეფასდა ასევე ცენტრალური საარჩევნო კომისიის პროფესიონალიზმი. თუმცა, შალვა პაპუაშვილის თქმით, ასევე მნიშვნელოვანია ის ნეგატიური საკითხები, რაზეც ანგარიშშია საუბარი.

„კერძოდ, ჩვენმა პარტნიორებმაც აღნიშნეს პოლარიზაცის პრობლემა, რომელზეც დიდი ხანია ვსაუბრობთ, რომ ეს პოლარიზაცია სამწუხაროდ, ავნებს ქართულ დემოკრატიას. მნიშვნელოვანია, რომ პოლარიზაციის ხარისხი შემცირდეს, ნეგატიური რიტორიკა, რომლითაც ამ შემთხვევაში, განსაკუთრებით ოპოზიციის წარმომადგენლები გამოირჩეოდნენ“,-განაცხადა პაპუაშვილმა.

ცნობისთვის, ეუთოს მისიის ხელმძღვანელის შეფასებით, არჩევნების მეორე რაუნდი კარგად ადმინისტრირებული იყო, მაგრამ პოლარიზაციამ და გამწვავებულმა ნეგატიურმა რიტორიკამ უარყოფითად იმოქმედა პროცესზე.

ზურაბ ბატიაშვილი - დასავლეთში მიღებულია გადაწყვეტილება, რომ ამ ომში უკრაინამ უნდა გაიმარჯვოს და ეს 2023 წელს მოხდება
ქართული პრესის მიმოხილვა 26.01.2023
ფარხად მამედოვი - აზერბაიჯან-სომხეთის მოლაპარაკებები შეიძლება შედგეს თბილისში, მაგრამ იმ შემთხვევაში, თუ ძირითადი მოდერატორი ამერიკა იქნება და არა ევროკავშირი
ხელოვნური ინტელექტი და სწავლების მეთოდები - BTU მასშტაბურ კვლევას იწყებს
ქართული ბიზნესკომპანიები უკრაინის მხარდაჭერას განაგრძობენ
Glovo და TNET საქართველოში ახალ ტექნოლოგიურ რეალობას ქმნიან
ხელოვნური ინტელექტის ინოვაციური პროდუქტის ChatGPT-ს შესახებ BTU-ში დისკუსია გაიმართა
Wolt საქართველოს მომხმარებელთა მხარდაჭერის გუნდი მალე გერმანიასაც მოემსახურება
“ლიბერთი” განათლების ხელშეწყობას აგრძელებს
წიგნი, რომელიც ხელოვნური ინტელექტის მიერ დაიწერა BTU-ში წარადგინეს