გიგი წერეთელი - აშშ-ს საელჩოს განცხადებაში აღნიშნულია, რომ ხელისუფლების შეუსაბამო უპირატესობამ რესურსების მხრივ, დაშინებამ და ზეწოლამ, გადამწყვეტი გავლენა იქონია შედეგებზე

„ქართული ოცნების“ ხელისუფლებისთვის საერთაშორისო შეფასებებს და ქვეყნის რეპუტაციას მნიშვნელობა აღარ აქვს, - ასე შეაფასა „ევროპული საქართველოს“ პოლიტსაბჭოს თავმჯდომარე, გიგი წერეთელმა ჟურნალისტებთან აშშ-ს საელჩოს განცხადება, სადაც ნათქვამია, რომ წინ კიდევ ბევრი სამუშაოა სასწრაფოდ შესასრულებელი.

გიგი წერეთელი მიიჩნევს, რომ რაც შეიძლება სწრაფად უნდა დაინიშნოს ვადამდელი არჩევნები და მოვიდეს ახალი, კოალიციური მმართველი გუნდი, რომლისთვისაც ქვეყნის დემოკრატიული კონსილიდაცია და საერთაშორისო ავტორიტეტი უმთავრესი პრიორიტეტი იქნება.

„აშშ-ს საელჩოს განცხადება პრაქტიკულად იგივე შინაარსისაა, როგორიც საერთაშორისო სადამკვირვებლო მისიების განცხადებები, ამ შემთხვევაში ეუთო/ოდირის. ძალიან მადლობელი ვართ, რადგან ამერიკის შეერთებული შტატები ამ არჩევნებს თვალ-ყურს ადევნებდა. საელჩოს განცხადებაში პრაქტიკულად აღწერილია ყველა ის მძიმე დარღვევა, რომელიც ამ არჩევნებზე ხდებოდა. ძალიან მკაფიოდ, ნათლად ჩანს და კიდევ ერთხელ არის გახმოვანებული ის შეუსაბამო უპირატესობა, რომელიც ხელისუფლებამ სწორედ ადმინისტრაციული რესურსის ხარჯზე მოიპოვა, ამას დამატებული მოსყიდვა, დაშინება და სხვადასხვა ტიპის დარღვევები, იყო საფუძველი იმ ძალიან მცირე განსხვავებისა, რომელიც დღეს არსებობს ოპოზიციასა და ხელისუფლებას შორის. ასევე, განცხადებაში აღნიშნულია, რომ ძალიან სამწუხაროა, რომ ამ პროცესმა, ამგვარმა პოლარიზაციამ, ხელისუფლების ამგვარმა ნაბიჯებმა დააზიანა საარჩევნო პროცესი და რა თქმა უნდა, ეს ზიანს აყენებს საქართველოს საერთაშორისო იმიჯსა და მისი სამომავლო დემოკრატიული განვითარებას. ეს განცხადებები და შეფასებები ყოველთვის დარჩება მხოლოდ განცხადებებად და შეფასებებად, თუ ხელისუფლება არასდროს არ გაითვალისწინებს.

როგორც ვხედავთ, „ქართული ოცნების“ ხელისუფლებისთვის ამას მნიშვნელობა აღარ აქვს, ამიტომ არის აუცილებელი, რაც შეიძლება დროულად დაინიშნოს ვადამდელი არჩევნები და მოვიდეს ახალი, კოალიციური ხელისუფლება ქვეყნის მმართველობაში, რომელიც ყოველთვის შეეცდება, საარჩევნო პროცესი იყოს მაღალი სტანდარტის, რათა ამგვარ საერთაშორისო შეფასებებს ჩვენი ქვეყანა და საზოგადოება არ იღებდეს“, - განაცხადა წერეთელმა.

შეგახსენებთ, რომ საქართველოში ამერიკის შეერთებული შტატების საელჩო იზიარებს ოდირის შეფასებას, რომ არჩევნები მთლიანობაში იყო მშვიდი და კარგად ორგანიზებული, თუმცა, მათივე შეფასებით, ბრალდებები ამომრჩეველთა დაშინებისა და ზეწოლის შესახებ შენარჩუნდა და განგრძობადმა პოლარიზაციამ, რომელსაც თან ახლდა უარყოფითი რიტორიკის გამწვავება, პროცესზე უარყოფითად იმოქმედა.

როგორც საელჩოს მიერ გავრცელებულ განცხადებაშია აღნიშნული, რესურსების მკვეთრმა დისბალანსმა და ხელისუფლებაში ყოფნით განპირობებულმა შეუსაბამო უპირატესობამ საასპარეზო პირობები შეცვალა.

მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
ქართული პრესის მიმოხილვა 26.11.2021
ალექსანდრე თვალჭრელიძე - ხელისუფლებისადმი ნდობა დამოკიდებულია არა იმაზე, თუ რა პროგრამებს აანონსებს, არამედ იმაზე, თუ როგორ ასრულებს გაცემულ დაპირებებს
ბიძინა ლებანიძე - საქართველომ და უკრაინამ გერმანიასთან მიმართებაში ფუჭი მოლოდინი არ უნდა შეიქმნას, გერმანია სამხედრო თვალსაზრისით არ ჩაერთვება არც ერთ სამეზობლო კონფლიქტში
განსაკუთრებული ტექ-ინვესტორი საქართველოში - GAABU-ს ახალი წევრი და ტექნოლოგია, რომელიც ცვლის ტელეკომუნიკაციის სამყაროს მომავალს
სილქფესტი ფასდაკლების დღეებს უერთდება - გაეცანით სილქნეტის მთავარ შეთავაზებებს
ზეთისხილის საერთაშორისო საბჭოს 114-ე სესია, რომელიც საქართველოში მიმდინარეობდა, დასრულდა
პროგრამა ბალანსი ბიზნესისთვის - როგორია ფინანსების აღრიცხვისა და ავტომატიზაციის თანამედროვე სტანდარტი?
XXI საუკუნის ხელნაწერ „ვეფხისტყაოსანზე“ 18-წლიანი მუშაობა დასრულდა - რა უნდა იცოდეთ ახალ, უნიკალურ გამოცემაზე
საინფორმაციო პორტალი 08.GE - ყველა კითხვაზე პასუხი ერთ სივრცეში
საქართველო ზეთისხილის საერთაშორისო დღეს უმასპინძლებს, რომელიც იუნესკოს ეგიდით ტარდება