პაატა მანჯგალაძე პარლამენტის თავმჯდომარეს და ადამიანის უფლებათა დაცვის კომიტეტს მიხეილ სააკაშვილის საკითხით დაინტერესებისკენ მოუწოდებს

„სტრატეგია აღმაშენებლის“ წევრი, დეპუტატი პაატა მანჯგალაძე პარლამენტის თავმჯდომარეს და ადამიანის უფლებათა დაცვის კომიტეტს მიხეილ სააკაშვილის საკითხით დაინტერესებისკენ მოუწოდებს.

როგორც მანჯგალაძემ ბიუროს სხდომაზე განაცხადა, სააკაშვილთან შესვლის შესაძლებლობა არ აქვთ მის ჰოლანდიელ ექიმს, ადვოკატს და ასევე ალტერნატიული კონსილიუმის წევრ ექიმებს.

„მესმის, რომ ოპოზიცია და ხელისუფლება ვერასდროს შევთანხმდებით არჩევნებთან დაკავშირებით, აქ არ ვაპირებ დისკუსიის გახსნას, რადგან არ მინდა ჩაიკარგოს ის საკითხი, რომელიც პარტიული კუთვნილების საკითხს სცდება. ახლა ვესაუბრე სააკაშვილის ადვოკატს, რომელსაც არ ეძლეოდა ციხეში შესვლის შესაძლებლობა. ასევე, მასთან ვერ შედიან ალტერნატიული კონსილიუმის ჯგუფის ექიმები. ასევე შესვლის შესაძლებლობა არ აქვს ოჯახის ჰოლანდიელ ექიმს და არ გადაჰყავთ სამოქალაქო კლინიკაში. ხვალაც რომ გამოვიდეს სააკაშვილი, შეიძლება მისი ოპონენტი ვიყო, ამიტომ პარტიული კუთვნილების გარეშე ვკითხულობ, ეს საკითხები ხომ ცდება ყველანაირ პარტიულ კუთვნილებას? პარლამენტის თავმჯდომარეს მივმართავ - რა პრობლემაა ამ ოთხ საკითხთან დაკავშირებით? ადამიანი, რომელიც თვეზე მეტია შიმშილობს, ჩვენი ვალდებულებაა, რომ რეაგირება მოვახდინოთ ამ ყველაფერზე. როგორც პარლამენტის წევრს, გთხოვთ მოგვაწოდოთ ინფორმაცია რა ხდება“, - განაცხადა პაატა მანჯგალაძემ და მოგვიანებით დასძინა, „ექიმები როგორც ამბობენ, მდგომარეობა არის მძიმე და ტექნიკური პრობლემების გამო არ დავდგეთ ფატალური შემთხვევის წინაშე“.

მანჯგალაძის ამ განცხადებაზე პარლამენტის თავმჯდომარემ, კახა კუჭავამ განაცხადა, რომ მისი კითხვის სწორი ადრესატი იუსტიციის სამინისტრო იქნებოდა. ამასთან, აღნიშნა, რომ მას არ აქვს ინფორმაცია ვის უშვებენ მიხეილ სააკაშვილთან და ვის არა.

„ნამდვილად არ მაქვს ინფორმაცია ვის უშვებენ და ვის არა. მე ვიცი, რომ აქვთ კომუნიკაცია. გავერკვევით ამ საკითხში და მოგაწვდით ინფორმაციას“, - განაცხადა კახა კუჭავამ.

თავის მხრივ, პარლამენტის ადამიანის უფლებათა დაცვის კომიტეტის თავმჯდომარემ, მიხეილ სარჯველაძემ მანჯგალაძის განცხადების საპასუხოდ თქვა, რომ როცა კონკრეტული პირების ციხეში შესვლას ეხება საქმე, შესაძლოა, ტექნიკური პრობლემა იყოს და მას უარი ეთქვას, რადგან სააკაშვილთან ვიზიტი სხვა პირს ჰქონდეს.

„რაც შეეხება ალტერნატიული კონსილიუმის საკითხს, ამაზე საფიქრალია. უწყებათაშორისი ჯგუფი მუშაობს და თუ გექნებათ სურვილი თქვენი მონაწილეობის შესაძლებლობაც იქნება ჯგუფის მუშაობაში. უწყვეტ რეჟიმში გექნებათ ინფორმაციის მიღების შესაძლებლობა“, - მიმართა სარჯველაძემ პაატა მანჯგალაძეს. რაზეც პაატა მანჯგალაძემ აღნიშნა, რომ ჯგუფის მუშაობაში ჩაერთვება.

მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
ქართული პრესის მიმოხილვა 26.11.2021
ალექსანდრე თვალჭრელიძე - ხელისუფლებისადმი ნდობა დამოკიდებულია არა იმაზე, თუ რა პროგრამებს აანონსებს, არამედ იმაზე, თუ როგორ ასრულებს გაცემულ დაპირებებს
ბიძინა ლებანიძე - საქართველომ და უკრაინამ გერმანიასთან მიმართებაში ფუჭი მოლოდინი არ უნდა შეიქმნას, გერმანია სამხედრო თვალსაზრისით არ ჩაერთვება არც ერთ სამეზობლო კონფლიქტში
განსაკუთრებული ტექ-ინვესტორი საქართველოში - GAABU-ს ახალი წევრი და ტექნოლოგია, რომელიც ცვლის ტელეკომუნიკაციის სამყაროს მომავალს
სილქფესტი ფასდაკლების დღეებს უერთდება - გაეცანით სილქნეტის მთავარ შეთავაზებებს
ზეთისხილის საერთაშორისო საბჭოს 114-ე სესია, რომელიც საქართველოში მიმდინარეობდა, დასრულდა
პროგრამა ბალანსი ბიზნესისთვის - როგორია ფინანსების აღრიცხვისა და ავტომატიზაციის თანამედროვე სტანდარტი?
XXI საუკუნის ხელნაწერ „ვეფხისტყაოსანზე“ 18-წლიანი მუშაობა დასრულდა - რა უნდა იცოდეთ ახალ, უნიკალურ გამოცემაზე
საინფორმაციო პორტალი 08.GE - ყველა კითხვაზე პასუხი ერთ სივრცეში
საქართველო ზეთისხილის საერთაშორისო დღეს უმასპინძლებს, რომელიც იუნესკოს ეგიდით ტარდება