„ევექსი ჰოსპიტლების“ სამედიცინო ცენტრებში კოვიდ 19-თან ბრძოლაში დაღუპული პერსონალის ხსოვნის პატივსაცემად მემორიალური დაფები განთავსდა

„ევექსის“ ჰოსპიტალური ქსელის 5 სამედიცინო დაწესებულებაში მემორიალური დაფები განთავსდა იმ პერსონალის ხსოვნის პატივსაცემად, რომელიც კორონავირუსის წინააღმდეგ ბრძოლას შეეწირა. ამის შესახებ ინფორმაციას „ევექსი“ ავრცელებს.

მათივე ინფორმაციით, დასავლეთ საქართველოს სამედიცინო ცენტრში, ქუთაისის რეფერალურ ჰოსპიტალში, ფოთის, ქობულეთისა და ახალციხის ჰოსპიტლებში, გასული წლიდან დღემდე ვირუსთან ბრძოლაში ქსელის 18 პროფესიონალი თანამშრომელი დაიღუპა. კომპანიამ ამ ბრძოლაში გარდაცვლილ პერსონალს „სიცოცხლის ელჩის“ ორდენი მიანიჭა, რომელიც დაღუპულ თანამშრომელთა ოჯახის წევრებს გადაეცათ. „ევექსის“ ჰოსპიტალური ქსელი ღრმა მწუხარებას გამოთქვამს ფასდაუდებელი დანაკარგის გამო და უსამძიმრებს დაღუპულთა ოჯახებს. კომპანია პანდემიის წინააღმდეგ ბრძოლაში თითოეული პერსონალის ღვაწლს ფასდაუდებლად მიიჩნევს და მადლობას უხდის მათ, ვინც ფრონტის წინა ხაზზე ამ დრომდე დაუღალავად იბრძვის.

აღსანიშნავია, რომ 2020 წელს ვირუსთან ბრძოლაში ქსელმა 16 მედპერსონალი დაკარგა. 2021 წლიდან ქვეყანაში იმუნიზაციის პროცესის დაწყებამ უზრუნველყო ვაქცინირებული მედპერსონალისა და სრულიად მოსახლეობის დაცვა კოვიდ-ინფექციის მძიმე გართულებებისგან, რამაც ლეტალური მაჩვენებელი თითქმის მინიმუმამდე შეამცირა.

კომპანია მოხარულია განაცხადოს, რომ დღეს „ევექსი ჰოსპიტლების“ ქსელში სამედიცინო პერსონალის 90%-მდე უკვე აცრილია”, - ნათქვამია „ევექსის“ მიერ გავრცელებულ ინფორმაციაში.

იოსებ ბარათაშვილი - მოვლენები მიმდინარეობს არა ხელისუფლების, არამედ მიხეილ სააკაშვილის სცენარით
ქართული პრესის მიმოხილვა 29.11.2021
მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
შეიძინე Samsung-ის სმარტფონი მხოლოდ ოფიციალური ჰოლოგრამით და ჩაერთე Trade-In აქციაში
„სიმეტრია პარკი“ ოქროყანაში - თბილისს მალე ახალი ჯანსაღი საცხოვრებელი გარემო შეემატება
ჰუალინგის თავისუფალმა ინდუსტრიულმა ზონამ საერთაშორისო აღიარება მოიპოვა
„თქვენს გზავნილზე ახალი საჩუქარია“ - ლიბერთი საერთაშორისო ფულად გზავნილებზე ახალი კამპანიას იწყებს
„კარფურისა“ და „FinExCoop“ მიერ ორგანიზებული „კარტოფილის ფესტივალი“ - ადგილობრივი ფერმერების მხარდასაჭერად
განსაკუთრებული ტექ-ინვესტორი საქართველოში - GAABU-ს ახალი წევრი და ტექნოლოგია, რომელიც ცვლის ტელეკომუნიკაციის სამყაროს მომავალს